Archive for జూన్, 2009

టంగ్ ఫూ – మాటే పంచ్

Posted on జూన్ 23, 2009. Filed under: కూటి కోసం-కోటి విద్యలు | ట్యాగులు:, , , , , , , , |

నాలుక జాగ్రత్త

కుంగ్ ఫూ ఏవిధంగా అయితే ప్రత్యర్థుల దాడినుంచి మన శరీరాన్ని రక్షిస్తుందో అలాగే టంగఫూ వాగ్భాణాలనుంచి రక్షిస్తుందనమాట. సందర్భానికి తగినట్లుగా మాట్లాడేలా నాలుకకు శిక్షణ ఇస్తామన్నమాట. ఈ అంశాలు నేర్చుకుంటే మన ఇంటిలోని వారితో,సన్నిహితులతో మరియు సహోద్యోగులతో నిర్మాణాత్మకంగా మాట్లాడవచ్చు. వివరాలలోకి తొంగిచూద్దాం…

వివరణ వద్దు

దీనినే మనం వాడుకలో “సాకులు వద్దు” అని కూడా అంటుంటాం. ఫలానా సమయానికి పూర్తవ్వాల్సిన పని కాకపోతే అవతలివారికి కోపం రావడం సహజం. అప్పుడు మనం ఏం చెప్తున్నా వారికవి సాకులుగానే విన్పిస్తాయి. అందుకే వివరణ వద్దు. తప్పయిపోయింది, క్షమించండి … అని ఒప్పుకోండి. ఆ తర్వాత వెంటనే ఏం చేయాలో అది చేయండి. ఇప్పుడిక అవతలివారేమంటారు?

ఎపరో  చేసిన తప్పు…

ఒక్కోసారంతే… ఎపరో చేసినదానికి మనం నింద భరించాల్సివస్తుంది. నేను చేయలేదు.. అంటూ మీరు వివరించబోతే అది కాస్తా పెద్ద వాగ్వివాదానికి దారితీస్తుంది. దాని బదులు- దయచేసి మీరెందుకు అలా అనుకుంటున్నారో‌చెప్పండి… అనడగండి. అవతలివారు అది ఊహించరు. కోపం కొంచెం తగ్గి విషయం చెప్తారు. అప్పుడు మీరు ఆ పని అయ్యేలా చూస్తూ ఎక్కడ పొరపాటు జరిగిందో వారికి వివరించవచ్చు. అనవసరంగా మిమ్మల్ని అన్నందుకు వాళ్లే చింతిస్తారప్పుడు.

చెయ్యత్తితే… చాలు

అపార్థం చేసుకోకండి. ఇక్కడ చెయ్యెత్తడమంటే… పైకి లేపడం, అంతే. ఒక విషయంమీద నలుగురు కలిసి తీవ్రంగా చర్చిస్తున్నారు. వారు చెప్పేదాంతో మీరు ఏకీభవించడం లేదు. పైగా సరైన కారణం ఒకటి మీరు చెప్పాలనుకుంటున్నారు. అందుకోసం గట్టిగా చెప్పబోతే అందరూ ఇంకాస్త గట్టిగా మాట్లాడతారు. పని జరగదు. అప్పుడు మీరు మాట్లాడాకుండా చెయ్యి పైకి లేపండి. అందరూ ఒక్క క్షణం ఆగిపోతారు. అప్పుడు ‘మనం మాట్లాడుకుంటున్నది పరిష్కారాలు వెదకడం గురుంచి కానీ, ఒకరినొకరు తప్పులు పట్టుకోవడానికి కాదు…’ అనండి. తప్పకుండా పరిస్థితి అదుపులోకి వస్తుంది. అప్పటికి రాకపోతే సమయం అయిపోయిందన్న సూచన ఇవ్వండి. అంతేకానీ‌ అందరినీ పేరు పేరునా గట్టిగా పిలవడం వృథా ప్రయాసే.

సానుభూతి ఇలా….

ఇక్కడ ఒక ఉదాహరణ తీసుకుంటున్నాను. బయట భోరున వర్షం. మీరు ఒక హోటల్ రిసెప్షన్ బాధ్యతలో ఉన్నారు. బస చేసిన సందర్శకులంతా వానని తిట్టుకుంటూ పనులు వాయిదా పడుతున్నందుకు విసుగ్గా లాబీలో తిరుగుతున్నారు. అపుడు మీరు ‘క్షమించండి… నేనేం చేయలేను..’ అంటే వారికి పుండుమీద కారం చల్లినట్లుంటుంది. కానీ మనసు సాంత్వన చెందదు. నిజంగా మనం ఏమీ చేయలేం. కాకపోతే దాన్ని ఇలా చెప్పాలి… ‘ఈ సమయంలో వాన నిజంగా ఊహించనిది. ఇక్కడ వాతావరణం ఎప్పుడెలా ఉంటుందో చెప్పలేకుండా తయారవుతోంది. త్వరగా తగ్గిపోతుందనే ఆశిద్దాం. మీరు ఏమీ అనుకోనంటే.. లోపల ఫలానా హాల్లో నృత్య కార్యక్రమం జరుగుతోంది. వెళ్లి చూడవచ్చు. ఈలోపల వాన తగ్గిపోతే నేను వచ్చి పిలుస్తాను’ విన్నవారికి ఆ మాటలు ఎంత సాంత్వననిస్తాయో ఊహించగలరుగా.

తప్పులెంచవద్దు

మీ కిందివారు ఒక పొరపాటు చేశారు. దానికి మీరు అలా చేయకూడదు… ఇలా చేసి ఉండవలసింది… అంటూ ఉపన్యాసాలిస్తే, వాళ్లకి కోపం పెరిగిపోతుంది. ఎందుకంటే జరిగినదాన్ని ఎవరూ మార్చలేరు కాబట్టి. వళ్లనా పశ్చాత్తాపధోరణినుంచి బయటపడేయాలంటే ‘పొరపాటు సహజం. మరోసారి ఇలా చేయండి’ అంటూ  పాజిటివ్ గా చెప్తే వారు భవిష్యత్తులో ఆ తప్పు చేయరు.

నవ్వేయండి!

చిన్నప్పుడు వీధిలో ఎవరైనా పేర్లు పెట్టి వెక్కరిస్తే ఏడుస్తూ అమ్మ దగ్గరకు వెళ్తాం. పనిచేసే చోట అది కుదరదు. అందుకని ఎవరేమన్నా విని ఊరుకోవాలా? అక్కర్లేదు. నవ్వుతూ కొట్టిపారేయండి. అయినా ఉక్రోషంగా ఉంటే.. మీకు ఏమేం పేర్లు పెట్టగలరో తెలుసు కాబట్టి వారి ముందే మిమ్మల్ని మీరు ఆ పేర్లతో సంభోదించుకుని నవ్వేయండి. అప్పుడు వారి మొహంలో కత్తివేటుకు నెత్తురు చుక్క ఉండదు.

ప్రయత్నిస్తాననండి!

మీ కింది ఉద్యోగి సెలవు అడిగారు. వీల్లేదు.. మరొకరు కూడా సెలవులో ఉన్నారు.. అని మొహమ్మీద చెప్పేయొద్దు. ‘అలాగే చూద్దాం… ఇంకొకరు కూడా సెలవులో ఉన్నారు కాబట్టి వీలుని బట్టి చూద్దాం. వాళ్లు రేపు వచ్చేస్తే మీరు నిరభ్యంతరంగా సెలవు తీసుకోవచ్చు. రాకపోతే ప్రత్యామ్నాయం ఏమున్నా ఉంటుందేమో చూడాలి..’ ఇలా సానుకూలంగా మాట్లారనుకోండి. అప్పుడు అవతలివ్యక్తే  సెలవులో ఉన్న ఉద్యోగి వచ్చాకే నేను సెలవు తీసుకుంటానులే అని చెప్తాడు.

ఈ విధంగా మనం చెప్పదలచుకున్న విషయాన్నే కొన్ని పదాలను అటుఇటు చేర్చడం ద్వారా “తాన్నొవక, నొప్పించక, తప్పించుకు తిరుగువాడు, ధన్యుడు సుమతి!!” అన్న చందాన, మన పేరు చెడకుండానే పని జరుగుతుంది. ఇదే టంగ్ ఫూ…

టపా మొత్తం చదవండి | Make a Comment ( 4 so far )

మీ కలల సాకారం కోసం

Posted on జూన్ 20, 2009. Filed under: కల | ట్యాగులు:, , , , , , , |

అబ్దుల్ కలామ్ గారు కలల (Dreams) గురుంచి ఎప్పుడూ చెబుతూనే ఉంటారు. కలల కనడంలోని గొప్పతనం ఏంటి? కలల ద్వారా ఏమిటి లాభం? ఒకవేళ ఈ ప్రశ్నలకు మీకు సమాధానం ఇదివరకే తెలిసివుంటే లేక తర్వాత తెలుసుకుంటారని అనుకుందాం, ఇక మనము చింతించాల్సిన విషయం “ఆ కలలను ఎలా సాకారం చేసుకోవాలి?!” మరి ఈ ప్రశ్నకు సమాధానముగా పలువురు పలు విషయాలను సెలవిస్తారు. కలల సాకారంతో పాటు సంతోషము, కార్య సిద్ధి, కీర్తి, ధనము మొదలగునవి సాకారం చేసుకొనుటకు మీకు నేను సూచించేది ఒక్కటే….

THE SECRET

ది సీక్రెట్
ఈ రహస్యం (The secret) మన చరిత్రలోని చాలా మంది ప్రముఖులకు తెలుసు. వారి దీన్ని ఉపయోగించుకొని వారి అభీష్టములను నెరవేర్చుకున్నరు. వాళ్లు ఆ రహస్యాన్ని ఇన్నాళ్లు దాచుంచారు. ఇప్పుడు అది బట్టబయలైంది. ఆ రహస్యాన్ని తెలుసుకొని కలలను సాకారం చేసుకొనుటకు, అభీష్టములు నెరవేర్చుకొనుటకు ఉపయోగించుట ఇక మీ వంతు.

THE SECRETకు సంబందించిన

  • e-పుస్తకం
  • audio-పుస్తకం
  • చిత్రము

ఇక్కడ లభిస్తుంది.

దీన్ని మీరు కచ్చితంగా DOWNLOAD చేసుకుని లాభపడతారని ఆశిస్తున్నాను.

గమనిక: మీరు download చేసుకున్నాక, పైన లంకె లో గల torrentను remove చేయ్యదని మనవి. వాటిని అలాగే seedingకు ఉంచండి. దీని వల్ల మీరు ఇతరులు the secret ను download చేసుకొనుటకు సాయం చేసినవారవుతారు.

టపా మొత్తం చదవండి | Make a Comment ( 3 so far )

మీ సత్తా గురుంచి మీకేపాటి ఎరుక?!

Posted on జూన్ 19, 2009. Filed under: వ్యక్తిత్వ వికాసం | ట్యాగులు:, , , , , , , , , , , , , |

Self Reliance is not about being independent, but interdependent.

రవీంద్రనాథ్ ఠాగూర్ఠాగూర్ గీతాంజలిలోని ఓ పద్యాన్ని చూద్దాం. స్వర్గీయ ఇందిరాగాంధీ సైతం తన బల్ల మీద ఆ కవితా పంక్తులను పట్టం(frame) కట్టించుకొని పెట్టుకుందట. ఆ కవితా పంక్తులు…తెలుగులో…..
ఒక్కరైనా నీ కేకవిని
ఓ యని రాకున్నా…
ఒక్కడవే బయలుదేరు
ఒక్కడవే, ఒక్కడవే, ఒక్కడవే
ఒక్కడవే బయలుదేరు.

జీవితం ప్రయాణంలో గమ్యాన్ని చేరుకోవడామే ముఖ్యం కాదు…అప్పటికి ముసలివాళ్లమో, సాధించినదాన్ని మనసారా ఆశ్వాధించలేని పెద్దవాళ్లమో అయిపోవచ్చు కూడా. అందుకే ప్రయాణం మొత్తాన్ని ఆశ్వాధించడం నేర్చుకోండి.

సంతోషమైనా, విషాదమైనా…
ప్రశ్న అయినా, జవాబైనా…
మీకు మీరే!


అలాంటి మనస్తత్వం మీలో‌ఎంతగా పెంపొందితే అంతగా మీరు మిగతా ప్రపంచంలో మమేకమవుతున్నట్టు. కాని ఒక్కటి మాత్రం మరవకండి.

Being independent is not enough, be interdependent.

మీ గురుంచి కొన్ని విషయాలు:

౧. మీ గురుంచి మీరు బాగా  తెలుసుకోవడమన్నది జీవితానికి చాలా ఉపయోగపడే అంశంగా గుర్తించండి.
౨. మీకు మీరే ‘ఆప్త మిత్రుడు’. మీకు మేరే ‘బద్ద శత్రువు’.
౩. చాలా సందర్భాలలో మీకు మీరే సాయం చేసుకోవాల్సి వుంటుంది. మీకు మీరే ధైర్యం చెప్పుకోవల్సి వుంటుంది. మీకు మీరే ఉత్సాహం కల్పించుకోవాల్సి వుంటుంది.
౪. అసలు మీకు మీరెంతగా తెలుసు? కష్టసుఖాల్లో… సమస్యల్లో …మీమీద, మీ ఆలోచనా శక్తి మీదే మీరేమేరకు ఆధారపడవచ్చో సరైన అంచనాకు రండి.
౫. మీ జీవన ప్రయాణంలో అనుభవాల ‘పదనిసలు’ మీవే. గెలుపు, ఓటముల మజిలీల దగ్గర మీ మానసికస్థాయి ఎప్పుడూ పొంగిపొర్లిపోయే వృధా వాగునీరు కాకూడదు.

టపా మొత్తం చదవండి | Make a Comment ( 9 so far )

విజయానికి తొందరపనికిరాదు

Posted on జూన్ 18, 2009. Filed under: ఆరోగ్యం | ట్యాగులు:, , , |

విజయంఅనేకులు తొందరగా విజయాన్ని  సాధించాలనే ఉద్దేశ్యంతో విపరీతమైన మానసిక వత్తిడికి లోనవుతుంటారు. విజయాన్ని సాధించడానికి మెదడులోని కణాలు తమలో తాము సంప్రదించుకొని అనుకూలమైన రసాయనాలను ఉత్పత్తి చేయాలి. ఆలోచనల నాణ్యతను బట్టి మెదడులోని కణాల స్పందన వుంటుంది. ఆలోచనలు మెదడులోని కణాలను కంపింపచేసి వాటిలో నిక్షిప్తమైన సమాచారాన్ని బహిర్గతం చేయ్యడానికి తోడ్పడుతాయి. సవ్యంగా ఆలోహించుతున్నప్పుడు విజయానికి తోడ్పడే రసాయనాలు ఉత్పత్తవుతాయి. ఆపనసవ్యంగా ఆలోచించుతున్నప్పుడు పనిని వాయిదా వేయడానికో లేక పనిని ఎగ్గొట్టడానికో ప్రేరణలను కలుగజేసే రసాయనాలు ఉత్పత్తవుతాయి.

డిప్రెషన్ఆలోచనలకు అవినాభావ సంబంధం వుంది. అందువల్లే మనస్సును అదుపు చేసుకోగలిగిన వారు విజయాలను సాధించగలుగుతారు. మనస్సును విచ్చలవిడిగా వ్యవహరించనిచ్చినప్పుడు పరాజయ పరంపరలను ఎదుర్కోవాల్సివస్తుంది. విజయాన్ని సాధించడానికి ఆలోచించుతున్నప్పుడు మెదడులోని కణాల మధ్య మమాచారాన్ని మార్పిడి చెయ్యడానికి సెరోటోనిన్ అనే రసాయనం అనుసంధానకర్తగా వ్యవహరిస్తుంది. అపసవ్యంగా ఆలోచించుతున్నప్పుడు ‘సెరోటోనిన్‘ తగిన మోతాదులో ముఖ్యంగా సాధించలేని లక్ష్యాలను నిర్ణయించుకొని, వైఫల్యాలను ఎదుర్కోవలసి వస్తుందనే భయంతో, మానసిక ఒత్తడిని పెంపొందించుకొంటే ‘సెరోటోనిన్‘ తగిన మోతాదులో ఉత్పత్తి కాదు. తత్ఫలితంగా డిప్రెషన్ లాంటి జబ్బులు సంక్రమిస్తాయి. విజయానికి బదులు పరాజయం ఎదురౌతుంది. పరాజయం  పరంపరలో చిక్కుకొన్నప్పుడు, ఆలోచనలన్ని వక్ర మార్గాలలో ప్రసరిస్తాయి. తత్ఫలితంగా మెదడులో ఉత్పన్నమయ్యే రసాయనాల సమతుల్యం విచ్చినమౌతుంది.

టపా మొత్తం చదవండి | Make a Comment ( 1 so far )

వాదోపవాదాల కాలక్షేపం వద్దు

Posted on జూన్ 17, 2009. Filed under: వ్యక్తిత్వ వికాసం | ట్యాగులు:, , , , , , , , , |

వాదోపవాదాలు-గొడవలుచాలా మామూలు సంభాషణతో మొదలయి, వాదనగా మారి .. చివరికి గొడవగా పరిణమించే సందర్భాలు దాదాపు అందరికీ అనుభవైకవేద్యమే. ఇలాంటి సందర్భాలు కుటుంబ సభ్యులమధ్యనో, స్నేహితులమధ్యనో బయటిప్రపంచం వ్యక్తులతోనో అనుభవంలోకి రావచ్చు.

వాదోవవాదాలు లేకుండా ఉంటాయా?

మాట నేర్చిన మనిషి ఎంత కాదనుకున్నా ఈ ‘వాదోపవాదాల’ సందర్భాన్ని ఎదుర్కోవలసి వస్తుంది. అయితే అతను ఉపయోగించాల్సిందల్లా గొడవదాకా దారితీయకుండా చూసుకునే తనదైన ‘విద్వత్తు’ను.

సంభాషణ నుంచి వాదనకు మన మాటతీరు ఎలా మారింది? అన్నది మనం జాగ్రతగా గమనించాల్సి వుంటుంది. ఈ రెండోదశలో సాధ్యమయినంతవరకూ ఆగిపోవాలి. అంతేకాదు వాదనలో‌ గెలుపు, ఓటమి అనే మాటల మీద పెద్ద పట్టింపును కూడా చూపవద్దు.

ఇంగ్లీషులో ఒక మంచి మాట ఉంది…ఆ మాట అర్థం “వాదనలో గెలిచే ప్రతిసారీ నువ్వో మిత్రుణ్ణి పోగొట్టుకుంటున్నావని గుర్తుంచుకో”. ఆ మాటా వాదనలో గెలుపు, ఓటమి అనే మాటలు ఎంత నిరర్థకమైనవో చెప్పకనే చెప్పింది కదూ?!

గొడవలతోనూ, వాదనలతోనూ సాధించేది ఎప్పుడూ తక్కువే

మన స్థాయిని, మన భవిష్యత్ లక్ష్యాలను ఎప్పుడూ దృష్టిలో పెట్టుకునే మన ఇతరులతో వాదోపవాదాలకో, గొడవలకో తలపడితే బావుంటుంది. పెద్ద నష్టం ఉండదు కూడా. అలా చేసిన మీకే నష్టం రాదనితెలిసినా మీరు గొడవలకు, వివాదాలకు మీ సమయాన్ని వెచ్చించకపోతే మరింత గొప్పజీవితానికి, ఉన్నత లక్ష్యాలకు చేరువ కావచ్చుకూడా.

గొడవలకు దారిచూపేది ఎప్పుడూ అహంభావమే

ఇతురులకన్నా అధిక్యులమన్న భావనవల్లనో, లేదా మనదైన ఉనికికి ప్రత్యేకత కావాలని కోరుకోవడంతోనో ‘గొడవ’ అనే విషవృక్షానికి బీజం పడుతుంది. ఎలాగంటారా? పై విధంగా ఆలోచించే మనిషి తన ఆలోచనలకు భిన్నంగా కనిపించిన దేన్నీ సహించలేడు. వాదానికి దిగుతాడు. తనను తాను నిరూపించుకోవడం  కోసం గొడవకు సైతం సిధ్దపడతాడు.

అహంభావాన్ని త్యజించమని చెప్పడం సన్యాసి మాటలాగా ధ్యనించవచ్చేమో కానీ, మిమ్మల్ని అపరిణతమనస్కులుగా బయటి ప్రపంచానికి చూపే మీ అహానికి సరైన సమయంలో, సరైన రీతిలో కళ్లేలు బిగిస్తుండండి అనడం మటుకు చాలా సాధ్యమయ్యే పనే.

కొన్ని చిట్కాలు

౧. అనవసర వాదనలకు ఎప్పుడూ దిగకండి. వాదనలో గెలవడం చెప్పుకోదగ్గ ‘విద్వత్తు’ ఏమీ కాదు.

౨. ఎవరితో వాదిస్తున్నారో బాగా గుర్తుంచుకోండి. ఆత్మీయులతోనూ, మంచిమిత్రుడితోనూ అయితే మరింత జాగ్రత్తగా మాటలను ఉపయోగించండి. మీరు వాదనలో గెలిచే ప్రతిసారీ ఒక మిత్రుణ్ని కోల్పోయే ప్రమాదం కూడా ఉండవచ్చు.

౩. అల్పవిషయాల కోసం, అసంగతమైన కోరికల వెంపర్లాటతోనూ ‘గొడవ’ పడుతూ అందమైన జీవితాన్ని వికృతంగా మార్చుకోకండి.

౪. మీరు వాదోపవాదాలకు దిగరు. తార్కికంగానే ఆలోచిస్తారు. అయినా ఎదుటివాళ్లు అలా లేనప్పుడు గొడవలు వస్తాయి కదా…. అప్పుడు ఏం చేయాలంటారు? ఈ ప్రశ్నకు అబ్రహం లింకన్ జవాబిది… “ఎదురుగా వచ్చే శునకానికి మీరే దారి ఇవ్వండి. అంతేగానీ అదే పక్కకు తొలిగిపోవాలని ఆశించవద్దు”.

౫. అనవసరమైన వాదనల వల్ల, గొడవల వల్ల సమయం వృధా అవుతుంది. మానసికంగా కుంగిపోయే ప్రమాదం వుంటుంది. శారీరకంగా జబ్బులబారిన పడవచ్చు. అవన్నీ ఒక ఎత్తు. అందివచ్చే అవకాశాలను గుర్తించలేని అంధత్వంతో జీవితంలో మనం చాలా పోగొట్టుకునేవారమూ కావచ్చు.

టపా మొత్తం చదవండి | Make a Comment ( 4 so far )

సర్దుబాటు మనస్తత్వం కీలకం!

Posted on జూన్ 16, 2009. Filed under: వ్యక్తిత్వ వికాసం | ట్యాగులు:, |

ఆధునిక జీవితంలో మనిషి సంతోషంగా జీవించాలంటే చాలా సమస్యలను ఎదుర్కోవాలి. వీటిని ముఖ్యంగా మూడు రకాలుగా విభజించవచ్చు. కొన్ని వ్యక్తిగత సమస్యలు, ఇంకొన్ని సామాజిక పరమైన సమస్యలు, మరికొన్ని వృత్తిపరమైన సమస్యలు. అనేకమైన సవాళ్ళు, సమస్యలు ఎదురయ్యే  సమాజంలో సంతోషంగా ఉండాలంటే కొన్ని జాగ్రత్తలు తీసుకోవాలి. మనం అనుకున్నట్లు మనచుట్టూ ఉన్న మనుషులు, పరిస్థితులు ఉండవు. వాటికి తగ్గట్టుగా మనల్ని మనం సర్దుబాటు చేసుకోవాలి. ‘Ability is something but test is everything’ అన్నారు. test అంటే మోసం కాదు. నైపుణ్యత, ఇతరులతో ఏ విషయం, ఎప్పుడు, ఎలా మాట్లాడాలో అలా మాట్లాడగలిగి మన పని చేసుకోగలగడం. ప్రతి చిన్నదానికి కోపం, విచారం రాకుండా మనల్ని మనం కాపాడుకోగలగడం.

ఎన్ని సమస్యలు వున్నా సంతోషంగా జీవించాలని అనుకునేవారు కొన్ని పద్దతులు పాటించాలి.

* మంచి అలవాట్లు చేర్చుకోవడం, చెడ్డ అలవాట్లు మానుకోవడం
* స్వయం అభివృధ్ది  కోసం నిరంతరంగా కృషిచేయడం.
* మితంగా మాట్లాడడం, తినటం.
* అనవసర వత్తిళ్ళు తగ్గించుకోడానికి ప్రయత్నించడం
* స్వతంత్రంగా నిర్ణయాలు చేయగలగడం, ఆచరించడం
* పరిపక్వంగా ఆలోచించగలగడం, ఆచరించడం
*‌ పిల్లలను సక్రమంగా పెంచగలగడం
* తగినంత విరామం, వినోదం పొందడానికి ప్రయత్నించడం
* ఏదైనా టైం ప్రకారం ఒక పధ్దతిలో చేయగలగడం
* ప్రశాంతమైన వాతావరణంలో కాసేపు గడపగలగడం
* ఏ సమస్యనైనా తేలికగా తీసుకోగల  మనస్తత్వం ఏర్పరచుకోగలగడం
* రోజూ కొంచెం  సేపు మౌనంతో ప్రార్థన చేసుకోగలగడం

ఇటువంటి రకరకాల పధ్దతులు పాటించడం వలన సంతోషంగా జివించగలగటానికి అవకాశం చాలా ఎక్కువ.

టపా మొత్తం చదవండి | Make a Comment ( 2 so far )

మన చరిత్ర – మన భవిష్యత్తు

Posted on జూన్ 15, 2009. Filed under: సూక్తి రత్నావలి | ట్యాగులు:, , |

ఏ జాతికీ తన చరిత్రను గురుంచిన వాస్తవికమైన జ్ఞానము ఉండదో ఆ జాతికి భవిష్యత్తు కూడా ఉండదు. అయితే ఆ సత్యంతోబాటు మరో‌మహా సత్యం కూడా ఉంది. ఏ జాతి అయినా తన గౌరవ పూర్ణ గత చరిత్రతో తన్మయత్వం పొందితే సరిపోదు, తన భవిష్యత్తు తీర్చిదిద్దుకోవడంలో‌ గత చరిత్రను ఉపయోగించుకొనే క్షమత సంపాదించుకోవడం కూడా అత్యంత అవశ్యకం. “మా తాతలు నేతులు త్రాగేరు, కావాలంటే మా మూతులు వాసన చూడండి” అని గొప్పలు చెప్పుకోరాదు. మన పూర్వికుల గొప్పలు చెప్పటం మాత్రమే చేయకుండా మన చేతల ద్వారా భావితరాల వారికి ఆదర్శంగా నిలవాలి.

టపా మొత్తం చదవండి | Make a Comment ( 1 so far )

భూమిగుండ్రంగా ఉందని మన ప్రాచీనులకు తెలియదా?

Posted on జూన్ 14, 2009. Filed under: మన విజ్ఞానం | ట్యాగులు:, , , , , |

ఆర్యభట్టుమన పాఠ్య పుస్తకాలలో కెప్లర్ కోపర్నికస్, గెలీలియోలు భూమి గుండ్రంగా ఉందని 16వ శతాబ్దంలో కనుగోన్నారని చదువుతున్నాము. మన ప్రాచీనులకు భూమి గుండ్రంగా ఉందని స్పష్టంగా తెలుసు. ఋగ్వేదంలో 1:38:8 మంత్రంలో ఆ విధంగా ఉంది. “చక్రాణాసఃపరీణాహం పృధివ్యా…………..” భూమి యొక్క వృత్తపు అంచున ఉన్నవాడు అని భావం.

సూర్య సిధ్దాంతం అనే అతి ప్రాచీన గ్రంధంలో 12వ అధ్యాయం 32వ శ్లోకంలో “మధ్యే సమన్తా దణ్ణస్వభూగోళో‌ వ్యోమ్ని తిష్టతి“. బ్రహ్మాడం మధ్యలో భూగోళం ఆకాశంలో‌నిలచి ఉన్నది అని అర్థం.

ఆర్యభట్టు క్రీ..శ 476 ప్రాంతం వాడు. ఈయన భూగోలఃసర్వతో వృత్తః అని ఆర్యభట్టీయం అనే గ్రంధంలో గోళపాద అనే అధ్యాయంలో 6వ శోకంలో తెల్పేను. భూమి వృత్తాకారంలో‌అన్నివైపులా ఉన్నదని అర్థం. పంచ మహాభూతమయస్తారాగణపంజరే మహీ గోళః(13-1)

పంచసిధ్దాంతిక అనే గ్రంథంలో కీ..శ 505 సంవత్సరానికి చెందిన వరాహమిహురుడు “పంచభూతాత్మికమైన గుండ్రని భూమి, పంజమురలో వేలాడే  ఇనుప బంతిలాగా, ఖగోళంలో‌ఉన్నది” అని వ్రాసారు.

లీలావతి అడిగిన ప్రశ్నకు – భాస్కరాచార్యుడు అనే ప్రముఖ గణిత శాస్త్రజ్ఞుడు నీవు చూసేదంతా నిజం కాదు. భూమి చదరంగా లేదు, ఎందుకంటే నీవు పెద్ద వృత్తం(circle) గీసి అందులోని నాల్గవ భాగం చూస్తే అది మనకు సరళరేఖ(straight line) లాగ కనిపిస్తున్నది. కాని అది నిజానికి వృత్తమే. అలాగే భూమి కూడా గుండ్రంగానే ఉన్నది అని ఆమెకు వివరించాడు.(లీలావతి అనే గ్రంథంలో‌ కలదు)

ఛాదయతి శశీ సూర్యం శశినం మహతీ నభూచ్ఛాయా” సూర్యుడిని చంద్రుడు కప్పినప్పుడు నీడా భూమి మీదకు సూర్యగ్రహణంగాను, చంద్రుడు భూమిని కప్పినప్పుడు చంద్రగ్రహణంగాను కనిపిస్తుందని ఆర్యభట్టీయంలోని 37 శ్లోకంలో ఆర్యభట్టు వివరించాడు. భూమి తన కక్ష్యలో‌తన చుట్టూ తాను తిరుగుటకు 23 గంటల 56 నిమిషాల 4.1 సెకన్లు అని ఆర్యభట్టు స్పష్టంగా వ్రాసారు.

టపా మొత్తం చదవండి | Make a Comment ( 26 so far )

ఆకులో భోజనం ఎందుకుచేయాలి?

Posted on జూన్ 13, 2009. Filed under: ఆరోగ్యం, పెద్దల మాట - సద్ది మూట | ట్యాగులు:, , |

అరటిఆకులో భోజనంభోజనానికి ఉగయోగించే పాత్రలు అనేకం. బంగారం, వెండి, కంచు, స్టీలు, అల్యూమినియం, గాజు, పింగాణిలతో తయారుచేసిన పాత్రలను ఉపయోగిస్తారు. అలాగే కొందరు అరటి, మోదుగ, మఱ్ఱి , బాదం ఆకులతో కుట్టిన విస్తర్లలో భోజనం చేస్తారు.

పూర్వం రాజులు, జమిందార్లు బంగారు పళ్ళాలను ఉపయోగించేవారు. కొంతమంది వెండికంచాల్లో తినేవారు. మిగిలినవారు భోజనానికి ప్రతిరోజూ అరిటాకు లేక మోదుగ విస్తర్లను ఉపయోగించేవారు. శుభకార్యాలు, వివాహం , ఉపనయనం తదితర సంధర్భాలలో అరిటాకులో భోజనం పెట్టేవారు. కారక్రమేణా స్టీలు, గాజు, పింగాణి పళ్ళాలు వాడుకలోకి వచ్చయి. ఎన్ని రకాల పళ్ళాలు వచ్చినా అన్నిట్లోకి అరిటాకులో భోజనం చేయడం మిక్కిలి శ్రేష్టం. పచ్చటి అరిటాకులో వేడివేడి పదార్థాలను వేసుకొని తినడంవల్ల కఫవాతాలు(cold) తగ్గిపోతాయి. బలం చేకూరుతుంది.ఆరోగ్యం చక్కబడుతుంది. శరీరానికి కాంతి వస్తుంది. ఆకలి పుడుతుంది. మోదుగ, మఱ్ఱి, రావి ఆకులను ఎండబెట్టి విస్తర్లను తయారుచేస్తారు. కానీ అరిటాకును పచ్చిగా ఉన్నపుడే ఉపయోగిస్తారు. పచ్చి ఆకులో పెట్టు కొని ఆహారం తింటే తొందరగా జీర్ణమవుతుంది. అరిటాకులు దొరికితే దాంట్లోనే అన్నం తిన్నడం శ్రేయస్కరం. పూర్వం భోజనానికి విస్తర్లు, నీళ్ళు తాగడానికి ఆకు దోనెలను ఉపయోగిస్తారు. అలాగే మోదుగ ఆకులతో‌కుట్టిన విస్తరిలో‌అన్నంతింటే జ్ఞాపకశక్తి పెరుగుతుందంటున్నారు. మనస్సుకు ప్రశాంతత లభిస్తుంది. మర్రిచెట్టు విష్ణువు స్వరూపం. మర్రి ఆకులో అన్నంతింటే క్రిమిరోగ నివారణి, కళ్ళకు సంబంధించిన దోషాలు తొలిగిపోయి ఆరోగ్యం బాగుపడుతుంది. ముఖ్యంగా అరటి, మోదుగ, మర్రి ఆకు విస్తర్లలో భోజనం చేస్తే ప్రేగులలోని క్రిములు నాశనమవుతాయని ఆయుర్వేదంలో  చెప్పారు. కాలక్రమేణా ఈ అలవాట్లు మారిపోయాయి. చాలామందికి విస్తరిలో భోజనం చేయడం అపురూపమైంది. కాంక్రీట్ జంగిల్ గా పేరొందిన నగరాలలో కూడా పండుగలు, పర్వదినాలలో మార్కెట్లో అరటిఆకులు అమ్ముతున్నారు. వాటిని కొన్నుకొని ఆ రోజు వాటిలో భోజనం  చేసేవారు ఉన్నారు. ఇప్పటికీ కొన్నిప్రాంతల్లోని హోటళ్ళలో  ఆకులోనే భోజనం పెడుతున్నారు. దీన్నిబట్టి ఆకుల్లో భోజనం చేయడానికి ఎంతటి ప్రాముఖ్యత ఉందో అర్థం చేసుకోవచ్చు.

టపా మొత్తం చదవండి | Make a Comment ( 15 so far )

మిత్ర లాభం

Posted on జూన్ 12, 2009. Filed under: సూక్తి రత్నావలి | ట్యాగులు:, |

మానవుడు సంఘజీవి . నిత్యమూ ఇతరులతో కలిసి మాత్లాడకపోతే జీవనం సాగదు. అంటే సమాజంలోని ఇతరులతో  తప్పనిసరిగా  సంబంధం పెట్టుకోక తప్పదు. అందుకే తోటివారితో మిత్రభావంతో మెలగాలి. స్నేహంగా ప్రవర్తించాలి. ఎదుటివారినుంచి నువ్వు ఏది ఆశిస్తావో దాన్ని నువ్వు కూడా ఎదుటివారికి చేస్తే స్నేహం పదికాలాలపాటు మనగలుగుతుంది. స్నేహం పలుసందర్భాల్లో ఏర్పడవచ్చు. పరిసరాలవల్ల, విద్యాభ్యాసం చేసేటప్పుడు, ఉద్యోగ నిర్వహణలో, ప్రయాణాల్లో  స్నేహాలు కలుగవచ్చు. అయితే కొన్ని స్నేహాలు తాత్కాలికంగా సంతోషాన్ని కలిగించి ఆ తర్వాత కొనసాగపోవచ్చు. మరికొన్ని స్నేహాలు శాశ్వతంగా నిలిచిపోతాయి. కేవలం ప్రయోజనం కోసం  స్నేహం చేయ్యటం మంచిదికాదు.

స్నేహం వల్ల ప్రయోజనాలు కలిగినప్పుడు వాటిని అనుభవించటంలో తప్పులేదు. తెలివిగలిగిన స్నేహితుదు దొరికితే మన మనస్సు కూడా పదునెక్కుతుంది. మిత్రుడు శబ్దాలను చక్కగా ఉచ్చరించగలిగేవాడైతే మన ఉచ్చారణని మార్చుకొని సుశబ్ద ఉచ్చారణ చెయ్యగలుగుతాము. మంచివారితో స్నేహం చేస్తే వారిలాగే  పుణ్యకారాలను చెయ్యగలుగుతాము. మంచి మిత్రుడు మనకుంటే సమాజంలో మన గౌరవమూ పెరుగుతుంది. శ్రీకృష్ణుడులాంటి మిత్రుడు లభించటం వల్ల పేదవాడైన కుచేలుడు పురాణపురుషుడయ్యాడు. నవంతుడయ్యడు, కీర్తివంతుడయ్యడు. అవసరమైన సమయంలో దుర్యోధనుడులాంటి మిత్రుడు లభించటంతో కర్ణుని ప్రతిష్ఠ పెరిగింది. కర్ణుడు అంగరాజ్యానికి రాజయ్యాడు. అయితే అతడు సాధుమిత్రుడు కాకపోవటంతో కర్ణుడు పతనమయ్యడు. అందుకే సాధుజనుల చెలిమిని మాత్రమే కోరుకోవాలి. చెడ్డజనుల చెలిమి తాత్కాలిక ప్రయోజనాన్ని చేకూర్చినా శాశ్వత దుష్కీర్తి మిగులుతుంది.

టపా మొత్తం చదవండి | Make a Comment ( 2 so far )

« పాత ఎంట్రీలు

Liked it here?
Why not try sites on the blogroll...