Archive for ఆగస్ట్, 2009

విషాదము నుంచి జనించిన కవిత

Posted on ఆగస్ట్ 30, 2009. Filed under: నా కవిత | ట్యాగులు:, , , , , , , , , , |

యథావిధిగా నేను రెండు రోజుల క్రిందట వేలూరుకు వెళ్తుండగా అక్కడ చోటుచేసుకున్న ఒక సంఘటన నన్ను కుదిపేసింది. బైకు నడుపుతున్న ఒక వ్యక్తి బస్సు చక్రం క్రింద పడి, ఒక ఘోర ప్రమాదం చోటుచేసుకున్నది. అతని తల నుజ్జుగా నలిగి, మొదడు బయటికి చొచ్చుకు వచ్చి, క్రొన్ని ఎముకలు విరిగి చెల్లా చెదురుగా పడి వుండడం చూసి  దిగ్భ్రాంతికి గురయ్యాను. రక్తపు మడుగులో అతను పడి వున్న దృశ్యాన్ని నేను ఇంకా జీర్ణించుకోలేకున్నాను. ఆ సంఘటన ఎలా చోటు చేసుకున్నదని, ఎవరు దానికి బాధ్యులని విచారించే సాహసం నేను చేయలేకపోయాను.

చాల్రోజులుగా స్వంతముగా ఒక కవిత వ్రాయాలని తలచే వాడిని. కాని, ఈ‌ విషాదం నన్ను కవిత వ్రాసే దిశగా ప్రేరేవిస్తుందని నేను ఎన్నడూ ఊహించలేదు. మీ ముందు నా మొదటి కవితను సమర్పిస్తున్నాను….

బైకుపై విచ్చలవిడిగా విహరించకు
రోడ్డు నీవొక్కడి సొత్తు కాదు

నీతోడు మరికొందరుంటారు
నీవక్కడ ఒంటరివి కావు

నలుగురితో వెళ్తున్నప్పుడు పద్ధతులను పాటించు
వాటిని పాటించడం నీకు శ్రీరామ రక్షని భావించు

ఈ ఘటన నీ గడుసుతనానికి  గొడ్డలిపెట్టు
నీ ప్రవర్తనకు ఇది పరాకాష్టని తలచు

ఈ ప్రమాదములో నీవొక్కడివే చనిపోయావని అనుకోకు
నీతోడు నిన్ను కన్నవారి మనసును కూడా చంపావని ఎరుగు

పైన నేను వ్రాసిన పంక్తులు కవితనే నేను భావిస్తున్నాను. దానిలో ఏమైనా లోపాలుంటే నామీద దయవుంచి సవరించగలరు. మీ విలువైన సలహాలు నన్నింకా మెరుగుపరుస్తాయని నా ప్రగాఢ నమ్మకం. నేను ఈ బ్లాగు మొదలుపెట్టిన క్షణము నుంచి ఇంతవరకు చాలా నేర్చుకోగలిగాను. నా మాతృభాషకు మరింత చేరువైయ్యాను. కాని నా మొదటి కవిత ఇలా విషాదములోంచి జనిస్తుందని నేను కలలో కూడా తలవలేదు. ఆ దుర్ఘటనలో మరణించిన వ్యక్తి యొక్క ఆత్మ శాంతించాలని, అతని ఆత్మీయులకు అతను లేని లోటు కానరాకూడదని మరియు మిగిలిన వారందరికి ఈ సంఘటన ఒక గుణపాఠముగా వుండాలని ఆశిస్తున్నాను.

post to facebook post to twitter Stumble It! Digg it post to friendfeed Share

టపా మొత్తం చదవండి | Make a Comment ( 4 so far )

అందరూ యాచకులే

Posted on ఆగస్ట్ 28, 2009. Filed under: ఎందరో మహానుభావులు | ట్యాగులు:, , , , |

అక్బరు బాదుషా

ఓ మారు ఒక యాచకుడు అక్బరు బాదుషా గొప్ప దాత అని తెలుసుకొని, అతని దగ్గర యాచించడానికి వస్తాడు. ఆ యాచకుడు రాజ దర్బారుకు వచ్చినప్పుడు, అక్బరు బాదుషా అక్కడ వుండరు. భటుడి ద్వారా అక్బరు దేవుని ప్రార్థనలో  నిమగ్నమై వున్నారని తెలుసుకుంటాడు. కాసేపు నిరీక్షించిన తర్వాత అతడు వెనుదిరుగుతుండగా, అక్బరు బాదుషా వచ్చి ఆ యాచకుడితో తన ఆలస్యానికి మన్నించమని మరియు తనకి ఏమి కావలెనో అడగమని చెప్తారు. అందుకు ఆ యాచకుడు బాదుషావారిని యాచించక పోగా గట్టిగా నవ్వాడు. బాదుషా యాచకుడి ఆ విచిత్ర ప్రవర్తనకు వివరణ కోరగా, ఆ యాచకుడు “బాదుషా, నేను ఓ యాచకుడిని. నువ్వు  శ్రీమంతుడని, నీకు సర్వాధికారాలు ఉన్నవని, నేను నీ దగ్గర యాచించడానికి వస్తే, నీవు ఆ భగవంతుడి ధ్యానములో నిమగ్నుడై ఆ పరమాత్ముడిని యాచించడం గమనించాను. ఒక యాచకుడు మరో యాచకుడిని దగ్గర యాచించడం కన్నా, అందరి కోరికలు తీర్చే ఆ భగవంతుడిని యాచించడం మేలు కదా!! ఆ భగవంతుడి సమక్షాన అందరూ యాచకులే” అని వివరించాడు.

post to facebook post to twitter Stumble It! Digg it post to friendfeed Share

టపా మొత్తం చదవండి | Make a Comment ( 2 so far )

తిరిగులేని మెగా సీరియల్ – అసెంబ్లీ

Posted on ఆగస్ట్ 24, 2009. Filed under: నా విసుర్లు | ట్యాగులు:, , , , , , , , , , |

అసెంబ్లీ

కనీ వినీ ఎరుగని రీతిలో మన ఆంధ్ర ప్రజల సంతోషం కొరకు, భారి బడ్జెట్‌తో మన ప్రభుత్వం మనకు సమర్పిస్తున్న మెగా సిరియల్……

పేరు : అసెంబ్లీ

ప్రసారం : అన్నీ వార్తా ఛానళ్లు (live & exclusive)
అన్నీ తెలుగు ఛానళ్లు(exclusive)
దిన పత్రికలు

సమయం :‌ కచ్చితముగా చెప్పలేము ( ఒకవేళ మొదలైనా నిరసనలు మరియు వాకౌట్‌ల వల్ల  ఆగిపోవచ్చు)

నిర్మాత : ఆంధ్రప్రదేశ్ రాష్ట్ర ప్రభుత్వం
దర్శకుడు : గౌ॥స్పీకరు గారు

తారాగాణం :
హీరో : డా॥వై.యస్.రాజశేఖర్ రెడ్ది
విలన్ : నారా చంద్రబాబు నాయుడు
(గమనిక: హిరో మరియు విలన్ ప్రతీ ఐదు సంవత్సరములకు ఒకమారు  మారుతూవుండవచ్చు.)
సైడ్ హీరో/విలన్ : మెగాస్టార్ చిరంజీవి
ముఖ్య పాత్రధారులు : మంత్రులు, ప్రతి పక్ష నాయకులు మరియు లోకసత్తా వ్యవస్థాపకులు డా॥జే.పి గారు
అతిథి పాత్రలలో : మంత్రి పదవి రాని MLAలు మరియు ప్రతి పక్షంలో కొందరు.

కథ:
మొత్తం కథను ఇక్కడ ప్రస్తావించడం చాలా కష్టం. సర్వర్లలలో స్థలభావం చోటుచేసుకున్నది. ఒక్కమాటలో చెప్పాలంటే మనం ఎన్నికలలో ఓటు వేసి ఎన్నుకున్నవారు, అసెంబ్లీలో WWFలో మాదిరి కుమ్ముకోవటం(వాళ్లలో వాళ్లను కుమ్ముకోవటం కావచ్చు, లేక వారికి అనుకూలముగా బిళ్లులను పాస్ చేసి, చట్టాలను రూపొందించి  ప్రజల డబ్బును కుమ్మటం కావచ్చు).

కృతజ్ఞతలు:
రాష్ట్ర ప్రజలు – ఈ  తానా తందానాలను; గానా భజానాలను రూపొందిచడానికి పన్ను రూపంలో డబ్బులిచ్చి సహకరిస్తునందుకు, ఓట్లు వేసి మరి తారాగాణాన్ని ఎన్నుకున్నందుకు, అతి ముఖ్యముగా ఇంత కర్చుచేసి కూడా ఈ సీరియల్‌ను వీక్షించనందుకు.

ఇది

మన రాష్ట్ర ప్రజల సౌజన్యముతో

ఆంధ్రప్రదేశ్ రాష్ట్ర ప్రభుత్వం వారి  సమర్పణ

post to facebook post to twitter Stumble It! Digg it post to friendfeed Share

టపా మొత్తం చదవండి | Make a Comment ( 14 so far )

చిత్తశాంతికి సులువైన మార్గం

Posted on ఆగస్ట్ 20, 2009. Filed under: సూక్తి రత్నావలి | ట్యాగులు:, , , , , , , , , , , , , , , , , |

పట్టుపురుగు తనలోని దారముతో పసిడికాయ నల్లును. తుదకదియే దానికి గోరీ యగును. అట్లే, మనుజుడును తన మనసులోని వాంఛలనెడి దృఢ పాశములతో బోను నిర్మించుకొని, అందు బంధితుడై, తప్పించుకొని దారి తెలియక బాధపడుచుండును. కాని, అందుకొక మార్గమున్నది. ఆ మార్గమును గురువు ఉపదేశించును.లేదా, నీలోనున్న దైవమే నీకు స్ఫురింపజేయవచ్చును. నీవు చేసిన ప్రతి చెడ్ద పనిని నీ దినచర్యలో వ్రాసి పెట్టూకొను మనియు, ఆ వ్రాతను పలుమారు చదువుకొనుచు నిన్ను నీవే సంస్కరించుకొనుటకు నిశ్చయించుకొనుమనియు ఉపదేశించు గురువులు కొందరుందురు. వారు నిజముగా నిన్నుద్ధరించు గురువులు. వెనుకటి తప్పులను వేమారు మనసుకు తెచ్చుకొనుటవలన, ఇకపై అట్టి తపులు చేయరాదన్న నిశ్చయమేర్పడి నిన్ను చక్కదిద్దును; దుర్భావములను, దుర్వర్తనమును దూరము చేసి సద్భావములను, సద్వర్తనమును దూరము చేసి సద్భావములను, సద్వర్తనమును నీకు సమకూర్చి పెట్టును. అది సులువైన తత్త్వ సాధన. చిత్తశాంతిని సాధించుటకు అదియే మంచి మార్గము.

మూలము: శ్రీ సత్య సాయి బాబా వారి దివ్య వాఖ్య విభూతులు.

post to facebook post to twitter Stumble It! Digg it post to friendfeed Share

టపా మొత్తం చదవండి | Make a Comment ( 1 so far )

పరమళించిన మానవత్వం

Posted on ఆగస్ట్ 19, 2009. Filed under: కథా స్రవంతి | ట్యాగులు:, , , , , , , , , , , , , |

అది కొండలపై వెలసిన దేవాలయం. దైవ దర్శనం కోసం వేలాది భక్తులు గుంపులు గుంపులుగా కాలినడకన మెట్లెక్కి దేవుని దర్శించి మొక్కులు తీర్చుకొని తిరిగి వస్తుంటారు. ఒక భక్త బృందం మెట్లెక్కి పైకి వెళ్తుంటే ఆ గుంపులో కాళ్ళులేని ఒక వికలాంగుడు మెట్లెక్కలేక ప్రయాసపడుతూ ప్రాకుతూ, చెమటలు కార్చుకుంటూ మెట్లెక్కుతున్నాడు. చకచకా ముందుకు సాగుతున్న భక్తులెవరూ ఈ వికలాంగుని పట్టించుకోకుండా వెళ్ళిపోతుండగా ఒక భక్తుడు మాత్రం వికలాంగుని దీనావస్థ చూచి జాలిపడి అతనిని తన భుజాలపై నెక్కించుకొని యాత్రికుల గుంపు వెనుక మెట్లుక్కుతూ ముందుకు మెల్లమెల్లగా సాగుతున్నాడు.

ముందుగా వెళ్ళిన భక్తులు గుడికి చేరి దైవదర్శనానికి గుడిదగ్గరికి వెళ్ళి చూస్తే అక్కడ దేవుడు కనిపించలేదు. దేవుడు మాయమైనందుకు అందరూ ఆశ్చర్యచకితులై ఒకరి ముఖాలు ఒకరు చూసుకుంటూ ఉండగా కొంతసేపటికి వికలాంగుని ప్రయాసతో మోసుకొని వస్తున్న భక్తుడు గుడిముందు అతనిని దించగానే వికలాంగుడు మాయమైనాడు. గర్భగుడిలో యధాస్థానంలో భగవుంతుడు ప్రత్యక్షమైనాడు. భక్తులంతా ఆశ్చర్యచకితులైనారు.

భగవంతుడు సర్వమానవాళికి తండ్రి. కోర్కెలు తీర్చుకోవడానికి దేవుని ప్రార్థించడం కన్నా సాటి మానవుని నిస్వార్థ ప్రేమతో సేవిస్తే భగవుంతుడు సంతసిస్తాడు. ప్రేమను గురించి పలుమార్లు ప్రవచనాలు చేయుదానికన్నా ప్రతిఫలాపేక్ష లేని నిస్వార్థప్రేమను ప్రదర్శించే భక్తుడు మిన్న.

post to facebook post to twitter Stumble It! Digg it post to friendfeed Share

టపా మొత్తం చదవండి | Make a Comment ( 2 so far )

ఆనందించాలా ?! సిగ్గుపడాలా??!!

Posted on ఆగస్ట్ 18, 2009. Filed under: నా విసుర్లు | ట్యాగులు:, , , , , , , , , , , , , , , , |

క్రొన్ని రోజుల క్రిదంట నేను ఈ వార్తను చదివాను.

తెలుగు భాషను పరిరక్షించడానికి ప్రవాసాంధ్రులు నడుంబిగించారు. మాతృభాషను కాపాడేందుకు ఉద్యమంలా కార్యక్రమాలను నిర్వహించాలని దీనికి పూర్తి సహాయసహకారాలు అందించడానికి సిద్ధంగా ఉన్నామని అమెరికాలోని ప్రవాసాంధ్రులు తీర్మానించారు. ఉత్తర టెక్సాస్ తెలుగు సంఘం మహాసభలలో ఈ తీర్మానాన్ని చేస్తూ తెలుగు భాష తియ్యదనాన్ని చాటిచెప్పిన వేమన, సుమతీ తదితర శతకాలను సీ.డి.లుగా తయారు చేస్తున్నామని నిర్వహకులు తెలిపారు. రాష్ట్ర వ్యాప్తంగా అన్ని పాఠశాలలో 1వ తరగతి నుండి 10వ తరగతి వరకూ తెలుగు తప్పనిసరిగా బోధించాలని ప్రభుత్వాన్ని కోరారు. ఇందుకు అవసరమైన పాఠ్యపుస్తకాలు, సి.డి.లు తయారీకి అయ్యే ఖర్చులు ప్రవాసాంధ్రులు అందజేస్తారని ఈ విషయాన్ని ప్రభుత్వానికి లేఖ ద్వారా తెపుపుతున్నట్లుగా నిర్వాహకులు తెలిపారు.

ఈ వార్త చదివాక, ప్రవాసాంధ్రులకు మన మాతృభాష మీద ఉన్న మమకారాన్ని చూచి ఆనందించాలా లేక ఆంధ్ర రాష్ట్రంలోనే వుంటూ మన తెలుగు దినపత్రికలను కూడా చక్కగా చదవలేని నేటి తరాన్ని చూచి సిగ్గుపడాలా అనే సంధిగ్ధంలో పడ్డాను.

post to facebook post to twitter Stumble It! Digg it post to friendfeed Share

టపా మొత్తం చదవండి | Make a Comment ( 4 so far )

సత్కర్మలు ద్వైతం, ఆధ్యాత్మికం అద్వైతం

Posted on ఆగస్ట్ 17, 2009. Filed under: ఆధ్యాత్మికం | ట్యాగులు:, , , , , , , , |

మీరు భజనలు చేస్తున్నారు, జపధ్యానములు సల్పుతున్నారు, యజ్ఞయాగాదుల నాచరిస్తున్నారు. ఇవన్నీ ప్రాకృతమైన ప్రవృత్తి మార్గములేగాని, నివృత్తి మార్గములు కావు. ఇవన్నీ కేవలం సత్కర్మలేగాని, ఆధ్యాత్మికమునకు సంబంధించినది. అయితే, మీరు ఎట్టి కర్మలు చేస్తారో అట్టి ఫలితము మీకు తప్పక లభిస్తుంది. అనగా, సత్కర్మలవల్ల మీకు సత్కర్మలకు సంబంధించిన ఫలితం మాత్రమే ప్రాప్తిస్తుంది. కాని, ఆత్మకు సంబంధించిన ఫలితం రాదు. కనుక, మొట్టమొదట సత్కర్మలతో ప్రారభించి క్రమక్రమేణ ఆత్మసంబంధమైన మార్గంలో ప్రవేశించాలి. ఎంత కాలమైనప్పటికీ సత్కర్మలలోనే ఉంటే ఇంక మీరు ఆత్మతత్త్వాన్ని గుర్తించేదెప్పుడు? సత్కర్మలన్నీ ద్వైతంతో కూడినవి. కనుక, ద్వైతం నుండి అద్వైతంలోకి ప్రవేశించాలి. అప్పుడే జ్ఞానం ప్రాప్తిస్తుంది.

మూలం: సనాతన సారథిలోని శ్రీ సత్యసాయి బాబా వారి వాక్య విభూతుల నుండి.

post to facebook post to twitter Stumble It! Digg it post to friendfeed Share

టపా మొత్తం చదవండి | Make a Comment ( 4 so far )

మన్మోహనుడి దేశ(స్వామి) భక్తి

Posted on ఆగస్ట్ 16, 2009. Filed under: నా విసుర్లు | ట్యాగులు:, , , , , , , , , , , , , , , , , , , , , , , , , , , , , , , , , , , , , , |

మన్మోహనుడి దేశ స్వామి భక్తి:

నిన్న ప్రొద్దున, స్వాతంత్ర్య దినోత్సవ సందర్భంగా ప్రధాని జెండా ఆవిష్కరణ మరియు దేశ ప్రజలకు అందించే సందేశాన్ని చూడాలని దూరదర్శన్ ఛానల్ పెట్టాను. జెండా ఆవిష్కరణ మరియు పెరేడ్‌ను చూడలేకపోయాను, అయినా నేను చాలా ఆసక్తిగా ఎదురుచూచిన ప్రధాని సందేశ సమయానికి t.v. పెట్టానని ఆనందించా. చిన్నప్పుడు మా నాన్న మన్మోహన్ సింగ్ 90లలో విత్తమంత్రి గా పనిచేసిన రోజులలో ఆయన చేపట్టిన ఆర్థిక సంస్కరణలు చాలా కీలకమైనవి అని చెప్పారు. అప్పటి నుంచి నాకు ఆయన మీద ఒక  ప్రత్యేక అభిమానం ఏర్పడింది. కాని, నిన్నటి సందేశాన్ని విన్నాక ఆయన మీద నాకున్న అభిమానం నీవా నదిలో  కొట్టుకుపోయింది.

“నాకు మరల ఈ అవకాశాన్ని ఇచ్చిన భారత దేశ ప్రజలకు ధన్యవాదములు. గడిచిన సార్వభౌమిక ఎన్నికలలో ప్రజలు సరైన ప్రభుత్వాన్ని ఎన్నుకున్నారు. గాంధీ, ఇందిరమ్మ మరియు రాజీవ్ చూపిన బాటలో నడుస్తూ, వారి కలను నెరవేర్చడానికి కట్టుబడి వున్నా”మని ప్రధాని తన సందేశాన్ని మొదలుపెట్టారు. నాకైతే ఆయన మాటలలో దేశభక్తి కన్నా స్వామిభక్తి పాళ్లు ఎక్కువ కనిపించింది. నెహ్రూ కుటుంబం మన దేశానికి చేసిన మేలు కంటే, నష్టమే ఎక్కువ. తెల్లవాళ్ళు కూడా మనకు రైళ్ల రవాణా వ్యవస్థను అందించారు, కొన్ని పెద్ద పెద్ద డాం లను, బ్రిడ్జిలను నిర్మించారు. కాని, అవన్నీ వారి స్వార్థ నిమిత్తం చేసారు. అంతమాత్రాన వాళ్ళు మనకు మేలు చేసారని భావిస్తామా? అప్పుడు తెల్లదొరలైతే, ఇప్పుడు నల్లదొరలు దోచుకుంటున్నారు. స్వాతంత్ర్యయానికి ముందు-తర్వాత కు తేడా ఇదే. మన రాజకీయాలు ఒక కుంటుంబ వ్యాపారంగా, పెత్తందారీతనంగా తయారవడానికి బీజం వేసినది, పెంచి పోషించినది నెహ్రూ కుటుంబమే. నెహ్రూ కుటుంబీకుల పేర్లకు గాంధీ అనే తోక రావటమే ఒక ***** కథ.(ఇక్కడ నేను ‘*’లు వాడడానికి కారణం, అక్కడ సరైన పదం నాకు దొరక్కపోవడమే. మరే అర్థాలను స్పురింపచేయడానికి కాదు.)

ప్రధాని సందేశంలోని కొన్ని ముఖ్య అంశములు:
* అక్రమ సరకు నిల్వదారులను మరియు రవాణాదారులను వారించడం.
* ఎవ్వరూ ఆకలిని అనుభవించరు.
* స్వైన్ ఫ్లూ చూసి బయపడవలసిన పనిలేదు.
* ప్రతి భారతదేశ పౌరుడు సౌభాగ్యం మరియు భద్రతను అనుభవిస్తూ, గౌరవమైన జీవితాన్ని   గడపాలి.
* మనకు సరపడ్డ ఆహార నిల్వలు వున్నాయి. ధాన్యం, పప్పులు మరియు నిత్యవసర వస్తువుల ధరలను నియంత్రించే ప్రయత్నం చేస్తాము.
* మురికి వాడల నిర్మూలన కొరకు రాజీవ్ ఆవాస్ యోజన.
* సోలార్ ఎనర్జీ వాడకాన్ని ప్రోత్సహించి ఊతమందించేందుకు, జవహర్‌లాల్ నెహ్రూ జాతీయ సోలార్ మిషన్.
* నక్సలిజానికి, తీవ్రవాదానికి చమరగీతం పలకటం.
* అణగారిన వర్గాలు, మైనారిటీల సంక్షేమం కొరకు ప్రత్యేక పథకాలు.
* అవినీతిని అంతమొందిచి, ప్రభుత్వ పథకాల ఫలాలను ప్రజలకు చేరవేయటం.
* పన్నుదారుల సొమ్ము సరిగ్గా ఉపయోగపడేలా చూడటం.
* దేశ నిర్మాణమే ప్రధాన లక్ష్యం.
ఇంకా మరెన్నో…

ప్రధాని హామీలు ఇవ్వటం ఒక విశేషమైతే, అవి మన ప్రభుత్వం ఆచరణలో పెట్టలేని పనులు కావటం మరో విశేషం. అక్రమాలను ప్రత్యక్షంగాను మరియు పరోక్షంగాను ప్రోత్సహించే మన ప్రభుత్వ తీరు, విభజించి పాలించు అనే తెల్లవాళ్ళ సిద్ధాంతాన్ని పాటించడం, ప్రజలకు అతి ముఖ్యమైన విద్య-వైద్య-ఆహారాన్ని అందించడానికి కావలసిన చిత్త శుద్ధి లోపించడాన్ని మనము చవి చూస్తున్న తరుణంలో ప్రధాని దేశ ప్రజలకు ధైర్యాన్ని నూరిపోస్తారని, యువతను ఉత్సాహ పరుస్తారని నేను భావించాను. కాని అది జరగలేదు. ప్రధానికి దేశ భక్తి కన్నా, స్వామి భక్తే ఎక్కువని నిరూపించుకున్నారు. ఆయన హామిలను చూస్తుంటే నాకు ముందు నవ్వోచింది, తర్వాత బాధేసింది, చివరన ఆయన మీద అసహ్యం మొదలైంది.

ఉజ్వలమైన భారతదేశ నిర్మాణం కొరకు మనమందరము పూనుకోవాలి. అందుకు రాజకీయ ప్రక్షాలనే ప్రధాన మార్గం. పవిత్ర రాజకీయాలను బురద గుంటలుగా తయారు చేసిన వారిని ఏరిపారేయాలి. మన సత్తా ఎంటో చాటాలి. జై భారతమాత!! జై హింద్!!

post to facebook post to twitter Stumble It! Digg it post to friendfeed Share

టపా మొత్తం చదవండి | Make a Comment ( 7 so far )

ఏ జో దేశ్ హై తేరా

Posted on ఆగస్ట్ 15, 2009. Filed under: దేశ భక్తి, సంగీతం | ట్యాగులు:, , , , , , , , , , , , , , , , , , , , , , , , , , , , , , |

ప్రపంచ నలుదిశలలో ఉన్న భారతీయులందరికి స్వాతంత్ర్య దినోత్సవ శుభాకాంక్షలు. ఈ రోజు మనమందరము గర్వించదగ్గరోజు. స్కూలు రోజులలోనైతే సైకిల్‌లకు, మా స్కూలు ఆటో మరియు  బస్సులకు జెండాలను కట్టేవారము. స్కూలులో ఒక అతిథి వచ్చి జెండాను ఆవిష్కరించి నాలుగు మంచి మాటలు చెప్పిన తర్వాత  స్వాతంత్ర్య దినోత్సవ సందర్భంగా జరిపిన పోటీలలో గెలుపొందిన వారికి బహుమతుల ప్రదానం చేసేవారు. తర్వాత రాజ్యమంతా మాదే. ఆటపాటలు, నాటకాలు నిర్వహించేవారము. చివరన జనగణమన ఆలపించి సంబారాలకు అంతం పలికేవారము. ఇంటర్ లో ఆ అవకాశం దొరకలేదు. ఇంజనీరింగులో తిరిగి అటువంటి అవకాశం దొరికింది. ఇప్పుడు ఇంజనీరింగు కూడా అయిపోయింది. ఆ రోజులు మళ్లీ తిరిగివస్తే ఎంత బాగుండును.

అసలు విషయానికి వస్తే; నిన్న  ప్రయాణిస్తున్నప్పడు షారుక్ ఖాన్ హిందీలో నటించిన ‘స్వదేశ్’ సినిమాలోని బాణీలు విన్నాను. ఏ.ఆర్.రెహమాన్ చాలా మంచి సంగీతాన్ని అందించారు. ఆ సినిమాను పలుమార్లు చూసాను.చూసిన ప్రతీసారి ఒక మంచి అనుభూతి కలిగేది. అందులో ఒక్కొక్క పాట ఒక్కో ఆణిముత్యం. కాని ఈ రోజు ప్రత్యేకంగా చర్చించుకోవలసిన పాట ఒకటి ఉన్నది. అది “యే జో దేశ్ హై తేరా”. హిందీ బాగా అర్థమవుతుందన్న వారు ఆ పాట యొక్క చరణాలు ఇక్కడ చూడగలరు. కథా నాయకుడు అమెరికాలో 12 సంవత్సరాలు ఉండి, తిరిగి భారతదేశానికి తనిని చిన్నప్పుడు పెంచినావిడను చూడడానికి వస్తాడు. అమెరికాకు తిరిగి వెళ్లాక మన దేశంలో అతను గడిపిన క్షణాలు నెమరువేసుకుంటూనే ఉంటాడు. ఇక్కడి మనుషులు, అతని ప్రేయసి మరియు మన దేశ దుస్థితి చూసి చలించి, NASAలో తను చేస్తున్న ఉద్యోగాన్ని కూడా వదలి మన దేశం తిరిగి వచ్చేస్తాడు. అతడు చేసినదాన్ని నేను సమర్థిస్తున్నాను, మన దేశాన్ని మనము కాకుంటే మరెవరు కాపాడుకుంటారు?! మీరందరు ఈ సినిమా ఒకవేళ చూసివుండకపోతే తప్పక చూడవలసినదిగా నేను కోరుతున్నాను. నా నిన్నటి మరియు ఇవాల్టి టపాలను చూసి, నన్ను ప్రవాసాంధ్రులు మరియు ప్రవాసభారతీయుల వ్యతిరేకి అని దయచేసి అనుకోవద్దు.మరోమారు మీ అందరికి స్వాతంత్ర్యదిన శుభాకాంక్షలు. జై హింద్!!

post to facebook post to twitter Stumble It! Digg it post to friendfeed Share

టపా మొత్తం చదవండి | Make a Comment ( 11 so far )

వీళ్ల గురించి ఆలోచించడం అవసరమా?!

Posted on ఆగస్ట్ 14, 2009. Filed under: దేశ భక్తి | ట్యాగులు:, , , , , , , , , , , |

రాములమ్మ(విజయశాంతి) తెలంగాణ కొరకు ఒక పార్టీని పెట్టింది, తర్వాత గద్దముక్కాయన(కే.సి.ఆర్) పార్టీలో విలీనం చేసింది. మరి ఇప్పుడు ఆ పార్టీను కూడా వీడింది. అసలు ఆమె తెలంగాణ కోసం ఏమి చేస్తున్నట్టు?!

దేవందర్ గౌడ్ తెలుగుదేశం వద్దని నవ తెలగాణ పార్టీని పెట్టాడు, ఆ పార్టీ నవ్యత్యం కోల్పోకుండానే మెగాస్టార్ పార్టీలో విలీనం చేశాడు. కాని, ఇప్పుడు ఏమైందో ఏమిటో తిరిగి సొంత గూటికి చేరాడు. అసలు ఇంత తతంగం ఎందుకు?!

అసలు వీరికి ప్రజల కంటే తెలంగాణ ముఖ్యమైందని నేను చాలా సార్లు వాపోయాను, కాని ఇప్పుడు వాళ్లు తెలంగాణ గురించి కూడా పట్టించుకోకపోవడం విడ్దూరంగా ఉంది.

అయినా చిన్న చేపలు ఏమిచేస్తాయిలే అని వారిని వదిలేద్దాం. మరి బడా చేపలు ఏమిచేస్తునట్టు అని తొంగి చూస్తే:

తొంగిచూసేంతగా అక్కడ ఏమిలేదని తెలుసుకున్నా (నిజంగా). ప్రజల బాగోగుల గురించి పట్టించుకోవడాన్ని పూర్తిగా ప్రక్కకు నెట్టి, ఒకరి మీద మరొకరు బురద చల్లుకోవటానికే సమయం కేటాయిస్తున్నారు. మన సొమ్ముతో దర్జాగా బతికేస్తున్నారు.

ఇటువంటి వారి గురించి ఆలోచించడం అవసరమా? అని నేను చాలా సార్లు అనుకునేవాడిని. కాని నిన్న నాకు జ్ఞానోదయం అయ్యింది. అసలు జరుగుతున్నది ఏమిటంటే, నాయకులు ప్రజల గూర్చి “వీళ్ల గురించి ఆలోచించడం అవసరమా?!” అని నిర్ణయించేసుకున్నారని. దీన్ని ఇలాగే వదిలేద్దమా అని అనుకుంటే మనసు ఊరుకుండడం లేదు. రేపు మన జెండా పండుగ. స్వాతంత్ర్యం వచ్చి ఇన్నేళ్లు అయినా మన అభివృద్ధి నత్త నడక నడుస్తోంది. దీనికి పరిష్కారం ఏమిటి?

కొసమెరుపు: మన దేశం ఇంతే అని సర్దుకుపోయేవారు రోజుకు రోజు అధికమవుతున్నారు. దీనితో ఆగక కొంత మంది ఇక్కడ భవిష్యత్తు లేదని విదేశాలకు వెళ్లిపోతున్నారు కూడా. ఒక నెల క్రితం నా మిత్రుడు ఒకడు, బెంజు మరియు బి.యమ్.డబ్ల్యు కార్లు వీలైనంత త్వరగా కొనాలని, వారాంతాలలో  పార్టీలు చేసుకోవాలని మరియు  barbequeల కోసం ఆస్ట్రేలియా వెళ్ళిపోయాడు.

టపా మొత్తం చదవండి | Make a Comment ( 3 so far )

« పాత ఎంట్రీలు

Liked it here?
Why not try sites on the blogroll...