మన ‘జాతీయగీతం’ చరిత్ర

Posted on ఆగస్ట్ 12, 2009. Filed under: దేశ భక్తి | ట్యాగులు:, , , , , , , , , , , , , , , , , , , |


జనగణమన

మనభారత జాతీయచిహ్నాలలో ‘జాతీయగీతం’ ఒకటి. నేడు దేశమంతటా జాతీయగీతంగా ఆలపించబడుతున్న ‘జనగణమన’ గీత పుట్టుపూర్వోత్తరాలు, ప్రతి భారతీయుడు తెలుసుకోవటం ఎంతైనా అవసరం. జనగణమనగీతం రచయిత రవీంద్రనాథ్ ఠాగూర్. భారతస్వాతంత్ర్య సమరంలో ‘వందేమాతరం’ గీతం విస్తృత ప్రాచుర్యం పొందినప్పటికీ ఆ గీతం లయబద్ధంగా లేదనే కారణాన జాతీయగీత ప్రతిపత్తిని పొందలేకపోయింది.

రవీంద్రనాథ్ ఠాగూర్ సంపాదకత్వంలో వెలువడే ‘తత్త్వబోధిని’ అనే పత్రికలో ‘భారతవిధాతా’ అనే శీర్షికతో తొలుత రచించారు. ఈ గీతం బెంగాలీభాషలో మొత్తం 31 చరణాలుండేది. కానీ అందులో మనం కేవలం ఏడు చరణాలు మాత్రమే ‘జాతీయగీతం’గా ఆలపిస్తున్నాం.

1911 డిసెంబర్‌లో జరిగిన కాంగ్రెస్ మమావేశపు కార్యక్రమంలో తొలుదొలతగా ఆలపింపబడిన ‘జనగణమన’ గీతం శ్రోతలను విశేషంగా ఆకట్టుకొన్నది. జనగణమన గీతం దాదాపు ఎనిమిది సంవత్సరాలపాటు ఒకే బాణీలో కాక వివిధ రకాల బాణీలతో గానం చేయబడేది.

జాతీయగీత ‘స్వరకల్పన’

జాతీయగీతానికి నేడు మనం పాడుకొనే బాణీని కూర్చిన ఘనత చిత్తూరు జిల్లా ‘మదనపల్లె’కు చెందిన శ్రీమతి ‘మార్గరెట్ కజిన్స్ ‘కే దక్కటం విశేషం. దక్షిణభారత పర్యటన నిమిత్తం విచ్చేసిన ‘ఠాగుర్’ బాగా అలసిపోయి అస్వస్థతకు గురై మదనపల్లెలోని థియోసాఫికల్ కాలేజి హాస్టల్‌లో 1919 ఫిబ్రవరిలో విశ్రాంతి తీసుకోవటం జరిగింది. ఈ సమయంలో ‘జనగణమన’ గీతాన్ని ‘ది మార్నింగ్ సాంగ్ ఆఫ్ ఇండియా’ పేరిట అనువదించి ఆ కళాశాలకు బహూకరించాడు.

ఠాగూర్ హాస్టల్‌లో విశ్రాంతి తీసుకొంటున్న తరుణంలో ‘డాక్టర్ బె.హెచ్.కజిన్స్ ‘ గారి సతీమణి ‘మార్గరెట్ కజిన్స్ ‘ మన జనగణమన గీతానికి మధురమైన స్వరకల్పన చేయగా, కళాశాల విద్యార్థినీ బృందం గానం చేయగా, ఠాగూర్ ఎంతో పరవశించి మార్గరెట్ కజిన్స్  ను అభినందించి ఆ బాణీ ఎంతో బాగా ఉందని ప్రశంచించారు. 1911 నుండి 1919 వరకు ఎవరికి ఇష్టం వచ్చిన రీతిలో పాడబడిన ‘జనగణమన’ ఆ తర్వాత  ‘మార్గరెట్ కజిన్స్ ‘ కూర్చిన బాణీలోనే ఆలపించబడి, నేటికీ ఆ బాణీలోనే ఆలపించబడుతున్నది. ఇది ఆంధ్రులకెల్ల అత్యంత గర్వకారణం. జాతీయగీతానికి ఆంధ్రరాష్ట్రంలో స్వరకల్పన గావించబడటం ఆంధ్రులకు మరుపురాని మహత్తర సువర్ణఘట్టమనే చెప్పాలి.

నాటి భారత ప్రధాని ‘జవహర్‌లాల్‌నెహ్రూ’తన ఒకానొక గ్రంథములో ‘జనగణమన’ గీతం జాతీయగీత అర్హతకు తగినదని ప్రశసించారు. 1950 జనవరి 24న జరిగిన రాజ్యాంగ పరిషత్ సమావేశంలో నాటి రాష్ట్రపతి డా॥రాజేంద్రప్రసాద్ గారు ‘జనగణమన’ను జాతీయగీతంగా అధికార ప్రకటన చేసి, ‘వందేమాతరం’ గీతానికి సమాన ప్రతిపత్తినిచ్చారు.

మన భారత జాతీయగీతమైన ‘జనగణమన’కు ప్రపంచంలోనే అతుత్తమ జాతీయగీతంగా ‘యునెస్కో’ గుర్తింపు లభ్యంకావటం భారతీయులెల్లరికీ గర్వకారణం. ప్రపంచదృష్టిని ఆకట్టుకున్న ‘జనగణమన’ గీత పుట్టుపూర్వోత్తరాలను తెలుసుకొని ఆ గీతభావార్థాన్ని గ్రహించి, ‘జాతీయగీతం’గా ప్రగాఢ గౌరవభావంతో ఆలపించటం భారతీయులమైన మనందరి కనీసకర్తవ్యం.

జనగణమన తెలుగులో:

తెలుగులో జనగణమన

ప్రకటనలు

Make a Comment

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s

2 వ్యాఖ్యలు to “మన ‘జాతీయగీతం’ చరిత్ర”

RSS Feed for తేజస్వి Comments RSS Feed

good information to know about our national anthem – thank you very much.

to whom we are praying in JANAGANAMANA?

IF IT IS BHARATH MAATHA, THEN IN JANAGANAMANA IT IS REFERRING TO MALE PERSON. IF WE TREAT HIM AS GOD THEN IT IS DEVOTIONAL SONG NOT NATIONAL ANTHEM.

BECAUSE OF ONE REASON THAT VANDEMATHARAM IS NOT CONVENIENT TO COMPOSE, IT HAS BEEN GIVEN THE RESPECT AS NATIONAL SONG. WHAT IS THIS?

VANDEMATHARAM ENCOURAGED OUR FREEDOM FIGHTERS TOWARDS FREEDOM.

WHAT IS THE PORTION OF JANAGANAMA IN FREEDOM STRUGGLE.


Where's The Comment Form?

Liked it here?
Why not try sites on the blogroll...

%d bloggers like this: