ఆధ్యాత్మికం

ప్రేమదే జయం…. ఎప్పుడైనా, ఎక్కడైనా

Posted on నవంబర్ 27, 2009. Filed under: ఆధ్యాత్మికం, వ్యక్తిత్వ వికాసం | ట్యాగులు:, , , , , , , , , , , , , , , , , , , , , , , , , , , , , , , , , |

శీర్షిక పేరు చదివి ఇదేదో సినిమా లేదా సీరియల్ కథ అని పొరబడే అవకాశం ఉన్నది. కాని ఇక్కడ చర్చించబోయో విషయాలు వాస్తవాలు. ప్రేమతో ఏమి సాధించవచ్చు అనే  విషయాన్ని చర్చించబోతున్నాను. ఎప్పుడైనా, ఎక్కడైనా ప్రేమదే జయం. ఈ జగమెరిగిన సత్యాన్ని కొందరు గుర్తించవచ్చు, కొందరు గుర్తించకపోవచ్చు. గుర్తించినవారు అప్పుడప్పుడు మరుస్తూవుంటారు కూడా.

మొదటిగా ప్రేమ అంటే దాదాపు అందరి మదిలో మొదిలే దృశ్యం నాయక నాయికల మధ్య చోటుచేసుకునే రసాయినిక చర్య లేక యుక్త వయసులో ఉన్న వారికి కలిగే భావనలు. వాస్తవానికి దానిని నిజమైన ప్రేమ అని చెప్పలేము. అది కేవలం ప్రేమ యొక్క ఒక రూపం మాత్రమే. ప్రేమ పలు రూపాలు కలిగిన ఒక క్లిష్టమైన అనుభూతి. ఓ తల్లికి తన బిడ్డపై వున్న ప్రేమ ‘వాత్సల్యము’. భార్యా భర్తల మధ్య వుండు ప్రేమ ‘అనురాగము’, మిత్రుల మధ్య వుండే ప్రేమ ‘స్నేహము’. భగవంతుడికి భక్తునికి మధ్య వున్నదే నిజమైన ప్రేమ. అదే అన్నింటికన్నా ఉత్తమమైనది.

నిన్నటితో ముంబాయిలో తీవ్రవాదులు మారణకాండ సృష్టించి ఒక సంవత్సరకాలం అవుతున్నది. వారిలో నిజంగా సమస్త మానవాళిపై ప్రేమ గనక వుంటే, ఈ పని చేసేవారు కారు. వారి మనసులో ప్రేమ లోపిస్తుంది గనక, కరుడు కట్టి వుంటున్నది. అదే వారి మనసులో ప్రేమ గనక ఉండి వుంటే, వారు భీబత్సాన్ని సృష్టించి వుండరు.

హిందూ ధర్మము ప్రతి ఒక్కరిలోనూ భగవంతుడిని దర్శించమని సూచిస్తున్నది. అలా గనక మనము చేయగలిగితే, అందరిలో వున్న భగవంతుడి ప్రేమించే అవకాశం వుంటున్నది. తద్వారా మనము సమస్త జీవకోటిని ప్రేమించే వారము అవుతాము. అప్పుడు ఎటువంటి సమస్య తలెత్తినా, ప్రేమతో అది సులువుగా పరిష్కరించబడుతుంది. ప్రతి వొక్కరిని ప్రేమించడానికి, మీరు హిందువో/ఆస్తికవాదో కానవసరం లేదు. మన జాతి మానవజాతి. మన కులం ప్రేమ కులం. ఈ విషయాలను గుర్తిస్తే చాలు. కనీసం మనము ఒకరికి మేలు చేయకున్నా, వారికి కీడు తలపెట్టకూడదు. అందరిని ప్రేమించే మనసు మనకు ఉన్నప్పుడు, దీనిని మనము చాలా సులువుగా ఆచరించవచ్చును.

కేవలం తీవ్రవాదినికే కాదు, ప్రపంచంలో నెలకొని వున్న అన్నీ నైతికమైన సమస్యలకు, మానవుని భావోద్వేగాలతో‌ ముడిపడివున్న అన్నీ సమస్యలకు, కేవలం ప్రేమ యొక్కటే పరిష్కారము. ప్రేమ ఎక్కడవుంటే అక్కడ సత్య, ధర్మ, శాంతి, అహింసలు నెలకొనివుంటాయి.

ఏదైనా సమస్యలో చిక్కుకున్నప్పుడు, ఆవేశపడకుండా కాస్త మౌనం వహించి, ఆలోచించే ప్రయత్నం చేయండి. ఎందుకంటే, మౌనంలోనే దేవుని మనము దర్శించవచ్చు. ఆ మౌనంలో మనలోని దైవత్యం మేలుకుంటుంది. అది మనలో ప్రేమ భావనను కలిగిస్తుంది. ఆ ప్రేమ భావనతో మనము ఆలోచిస్తే, తప్పకుండా ఒక మంచి పరిష్కారం దొరుకుతుంది. ఆ విధంగా దొరికే పరిష్కారం అందరికి ఆమోద్య యోగ్యమే అవుతుంది. అందరిని సంతోషపెట్టేదిగా వుంటుంది.

రండి అందరూ కలిసికట్టుగా ఈ ప్రపంచాన్ని ప్రేమమయం చేద్దాం. తద్వారా శాంతియుతమైన, ప్రశాంతమైన సమాజాన్ని సృష్టిద్దాం. ప్రేమదే జయం…. ఎప్పుడైనా, ఎక్కడైనా.

టపా మొత్తం చదవండి | Make a Comment ( 3 so far )

మౌనానందం

Posted on నవంబర్ 5, 2009. Filed under: ఆధ్యాత్మికం, సూక్తి రత్నావలి | ట్యాగులు:, , , , , , , , , , , , , , |

నేను మౌనం యొక్క గొప్పతనాన్ని నా వ్యక్తిగత జీవితంలో అనుభవపూర్వకంగా తెలుసుకున్నాను. మొన్నీమధ్య నేను ఓ పుస్తకం చదువుతుండగా, అందులో  శ్రీ సత్య సాయి  బాబా వారు మౌనం వలన ఆనందం పొందగలుగుతామని వివరించు ఉపదేశం నాకు తారసపడింది. ఆ దివ్యోపదేశాన్ని మీతో పంచుకోదలచాను.

మౌనం మీ జన్మ హక్కు. దీనిలోనుండి మహత్తర శక్తిని, ఆనందాన్ని అనుభవించడం మీ జీవితాశయంగా మారాలి. పుట్టిన పిల్లాడు ఏం మాటలు మాట్లాడుతున్నాడని ఆనందంతో కేరింతలు కొట్టగలుగుతున్నాడు? అప్పటి ఆ స్థితిని చూస్తే మనకెంత ఆనందం కలుగుతుందో కాస్త ప్రశాంతంగా ఆలోచించండి. ఆ పసిముఖంలో ఆనందం పెరిగి పెద్దదైనాక లోపిస్తుంది. పెరిగినకొద్దీ ప్రపంచంలో ఉన్న సొత్తంతా నా ఒక్కడిదే అనే మోహంతో కూరుకుపోతున్నారు. మీలోని కోరిక కొండంత పెరిగేసరికి మీలోని ఆనందం తగ్గుతూ అహంకారం పెరుగుతుంది. పుట్టగానే కంటిముందున్న తల్లి నా స్వంతమనుకొని అహంకరించడం మొదలు పెడతాడు. తర్వాత ఇల్లు నా సొంతమనుకుంటాడు, తర్వాత పెళ్ళాం, పిల్లలు, ప్రపంచం అంతా నాదే అనే‌ అహంకారం పెంచుకుంటూ పోతాడు. ఇవన్నీ ఇతన్ని చీత్కరించి దూరమైతే అప్పుడు అంతర్ముఖమై వాటినన్నింటిని వదిలించుకొని తనలోనే దాగొని ఉన్న అంతర్యామే తన సొంతమని గుర్తించి దానినుండి అంతటి మహత్తర ఆనందాన్ని పొందుతూ కేరింతలు కొట్టగలుగుతున్నారు. ప్రపంచం మిద మోహాలు పెంచుకోకుంటే మీరూ అట్టి ఆనందాన్నే పొందగల్గుతారు. మీ జన్మను వ్యర్థపు సంచిలా తయారు చేస్తున్నారు. పనికిరాని చెత్తంతా నింపి, అసలు పనికివచ్చేదాన్ని అడుగున పెట్టేస్తున్నారు. అందుకై మౌనంగా ఉండి మీలో నింపిన వ్యర్థపదర్థాలనన్నింటినీ బయటకు నెట్టేయండి. దీనిద్వారా మహత్తరమైన ఆత్మశక్తి మీకు అందుతూ అసలైన ఆనందాన్ని అనుభవించగలుగుతారు. అందుకే పసిపిల్లల మౌనంలో, మంచి సాధకుల మౌనంలో ఆనందం వెల్లువలై పొంగుతూ ఉంటుంది. ఇకనైనా మౌనంలోని ఆనందాన్ని చవిచూస్తూ మీలోని దైవాన్ని కనుగొనండి.

టపా మొత్తం చదవండి | Make a Comment ( 6 so far )

నాస్తికవాదులారా! మీకో విజ్ఞప్తి

Posted on సెప్టెంబర్ 16, 2009. Filed under: ఆధ్యాత్మికం | ట్యాగులు:, , , , , , , , , , , , , , , , , , , , , , , , , , , , , , , , |

ప్రపంచాన్ని మనం చూసే కోణాన్నిబట్టే అది మనకు కనిపిస్తుంది. మనసు చంచలమైనది. రాగద్వేషాలకు నిలయం. అనుకూలతలను, వ్యతిరేకతలను సృష్టిస్తూ ఉంటుంది. సిద్ధాంతాలు చాలా ప్రమాదకరమైనవి. అవి అహంకారానికి ప్రతిరూపాలు. ‘నా సిద్ధాంతమే గొప్పది’ అనేవారు ఇతరుల మనోభావాలను గౌరవించలేరు, వ్యతిరేకతను సృష్టించుకుంటారు. అదే మానవ మేథస్సునందలి బలహీనత, పక్షపాతవైఖరి ఉన్నంతవరకు సత్యదర్శనం కాదు.

సైన్సు కేవలం ప్రాథమికమైనది, పరిమితమైనది. తెలుసుకొనడానికి అవసరమేకాని సాధనకు అవరోధమే. అందుకే Where Science ends there philosophy starts, where philosophy ends there religion starts, where religion ends there spirituality starts అన్నారు. సైన్సు మాత్రమే ఉండి ఆధ్యాత్మికత లేకపోతే ఆత్మహత్యా సదృశమే. ఆధ్యాత్మికతకు సైన్సు జోడించకపోతే అసంపూర్ణం. రెండూ కలిస్తేనే పరిపూర్ణం.

భగవంతుని ఉనికిని విస్మరించి స్వశక్తిమీద ఆధారపడడం ముర్ఖత్వం, భగవంతునిమీదనే ఆధారపడి స్వశక్తిని మరచిపోవడం బానిసత్వం. రెండూ అసంపూర్ణాలు, ద్వందాలే. ముందు స్వశక్తి ఉంటే ఆ తదుపరి దైవశక్తి తోడవుతుంది, అదే సమగ్రం, సంపూర్ణం మరియు పరిపక్వతకు చిహ్నం. ఆస్తికవాదం లేకుండా నాస్తికవాదానికి తావేలేదు. ఆస్తికుని కన్నా నాస్తికుడే భగవంతుని గురించి ఎక్కువగా ఆలోచిస్తూ ఉంటాడు, భగవంతుని వ్యతిరేకించడంలోనే ఆరాధన ఉందనే నగ్నసత్యాన్ని విస్మరిస్తున్నారు. ఊగిసలాడే ఆస్తికవాదికన్నా వ్యతిరేకించే నాస్తికవాదే భగవంతునికి త్వరగా దగ్గరవుతాడు. కష్టాలు రానంతవరకు భగవంతుని ఉనికి గుర్తుకురాదు, అవి మొదలైతే భగవంతునికొరకు అన్వేషణ ప్రారంభమవుతుంది.

మానవజన్మ లభించడం వరం. అందునా భారతావనిలో జన్మించడం పూర్వజన్మ సుకృతం. ఈ పవిత్రభూమిలో జన్మించి సనాతన ఋషి సాంప్రదాయంలోనికి ప్రవేశించలేకపోవడం దురదృష్టకరం. ఎవరైతే ఆధ్యాత్మికమార్గంలోనికి ప్రవేశించి, దానిని గురించి శాస్త్రయుక్తంగా అధ్యయనం చేయగలుగుతారో వారు మనసును కరిగించుకొని, ఆత్మస్థితికి చేరి విశ్వవ్యాపితభావనలో జీవిస్తూ, “నేనే భగవంతుణ్ణి” అనే స్థాయికి చేరి సర్వత్రా భగవంతుణ్ణే దర్శించగలుగుతారు.

అదే మానవ జీవితపరమార్థమంటే. అందుకే నాస్తికవాదులకు విజ్ఞప్తి ఏమిటంటే ఆస్తికత్వంలోని మూఢనమ్మకాలను చాదస్తాలను తప్పక వ్యతిరేకించండి లేకుంటే సత్యదర్శనం కాదు. కానీ ఆధ్యాత్మిక మార్గాన్ని, భగవంతుని యొక్క ఉనికిని వ్యతిరేకించకండి. ఎందరో దశాబ్దాల తరబడి పరుధులలో ఉండి, చివరకు ఈ‌మార్గానికి చేరి పరిపూర్ణత్వం పొందారు. చేతులు కాలాక ఆకులుపట్టుకున్న చందాన వయసు మళ్ళినతరువాత ఈ‌ మార్గానికి చేరినా శరీరం మనసు సహకరించక అసంతృప్తితో‌ జీవితాన్ని ముగించవలసి వస్తుంది. పరివర్తన పశ్చాత్తాపానికి మించిన దైవత్వం లేదు, సత్యాన్ని వ్యతిరేకించడంలో ఆత్మవంచన ఉంటుంది, దానిని స్వీకరించడంలో గొప్పదనముంటుంది. ప్రపంచ పరిస్థితులు మారి ఆదర్శ ప్రపంచం ఏర్పడాలంటే మేథావివర్గంలో మార్పు రావలసిందే. ఎందుకంటే వారే ప్రపంచాన్ని శాసించగలిగేది. వారంతా రజ్యాంగపు పరిధిలో, చట్టం ముసుగులో ప్రపంచాన్ని పతనం చేస్తున్నారు. ప్రభుత్వాలు, పాలకులు, శాస్త్రవేత్తలు, విద్యా-వ్యాపార-పారిశ్రామికవేత్తలు ద్వారానే‌ ప్రపంచం నడుస్తుంది. వీరి సంఖ్య తక్కువే కాని, వీరి ద్వారా ప్రమాదం ఎక్కువ. వీరు మాయలోపడి అహంకారం పెంచుకొని ఆధిపత్యపు పోరులో మానసిక ఒత్తిళ్ళను పెంచుకొని తాము పతనమై ప్రపంచాన్ని కూడా పతనం చేస్తున్నారు. అందుకే అందరూ సనాతన ఋషిసాంప్రదాయపు ఔన్నత్యాన్ని గుర్తించి, ప్రపంచ భవితకు బంగారు బాటవేయాలని మనసా వాచా కర్మణా ఆ భగవంతుని వేడుకుంటున్నాను.

టపా మొత్తం చదవండి | Make a Comment ( 19 so far )

దారము ఆధారము

Posted on సెప్టెంబర్ 4, 2009. Filed under: ఆధ్యాత్మికం | ట్యాగులు:, , , , , , , , , , , |

పూల మాలలు/పూల దండలు

ఈనాటి సైంటిస్టులందరూ కేవలము సృష్టిని గురించి పరిశోదనలు సలుపుతున్నారు. ఆధ్యాత్మిక వేత్తలు సృష్టికర్తను గురించి పరిశోదన చేస్తున్నారు. ఆధారాన్ని కాకుండా కేవలం అధేయాన్ని కనుగొనడానికి ప్రయత్నించడం తెలివితక్కునే చెప్పాలి. హారమునకు ఆధారమైన దారమును కాకుండా హారమును మాత్రమే చూసేవారు చాలా మంది ఉంటారు. ఆధారమును చూసేవారు ఏ కొద్ది మందో ఉంటారు. దారము ఆధారము, పుష్పములు అధేయములు. ఈనాడు పుష్పము నిన్న మొగ్గ, కాని దారము నిన్న దారమే, నేడు దారమే, రేపు దారమే, దారము వలే ఆధారమై మార్పు చెందనటువంటిదే దైవత్వము. దీనినే ఉపనిషత్తులు సూత్రేన మణిగణా ఇవ అన్నవి. ఈ జగత్తనే పుష్పములలో సూత్రమనే బ్రహ్మచేరి ఉంటుంది. కనుక అందరూ కూడా మణులవంటి వారే. అందరిలో చేరిన దైవత్వమే ఇందులో దారము వంటింది.

మూలం : భగవాన్ శ్రీ సత్యసాయి బాబా వారి వాఖ్య విభూతి నుంచి.

post to facebook post to twitter Stumble It! Digg it post to friendfeed Share

టపా మొత్తం చదవండి | Make a Comment ( 2 so far )

సత్కర్మలు ద్వైతం, ఆధ్యాత్మికం అద్వైతం

Posted on ఆగస్ట్ 17, 2009. Filed under: ఆధ్యాత్మికం | ట్యాగులు:, , , , , , , , |

మీరు భజనలు చేస్తున్నారు, జపధ్యానములు సల్పుతున్నారు, యజ్ఞయాగాదుల నాచరిస్తున్నారు. ఇవన్నీ ప్రాకృతమైన ప్రవృత్తి మార్గములేగాని, నివృత్తి మార్గములు కావు. ఇవన్నీ కేవలం సత్కర్మలేగాని, ఆధ్యాత్మికమునకు సంబంధించినది. అయితే, మీరు ఎట్టి కర్మలు చేస్తారో అట్టి ఫలితము మీకు తప్పక లభిస్తుంది. అనగా, సత్కర్మలవల్ల మీకు సత్కర్మలకు సంబంధించిన ఫలితం మాత్రమే ప్రాప్తిస్తుంది. కాని, ఆత్మకు సంబంధించిన ఫలితం రాదు. కనుక, మొట్టమొదట సత్కర్మలతో ప్రారభించి క్రమక్రమేణ ఆత్మసంబంధమైన మార్గంలో ప్రవేశించాలి. ఎంత కాలమైనప్పటికీ సత్కర్మలలోనే ఉంటే ఇంక మీరు ఆత్మతత్త్వాన్ని గుర్తించేదెప్పుడు? సత్కర్మలన్నీ ద్వైతంతో కూడినవి. కనుక, ద్వైతం నుండి అద్వైతంలోకి ప్రవేశించాలి. అప్పుడే జ్ఞానం ప్రాప్తిస్తుంది.

మూలం: సనాతన సారథిలోని శ్రీ సత్యసాయి బాబా వారి వాక్య విభూతుల నుండి.

post to facebook post to twitter Stumble It! Digg it post to friendfeed Share

టపా మొత్తం చదవండి | Make a Comment ( 4 so far )

లక్ష్మీకృప కలగాలంటే…….

Posted on ఆగస్ట్ 4, 2009. Filed under: ఆధ్యాత్మికం | ట్యాగులు:, , , , , , , , , , , , , , , , , , , |

లక్ష్మీ మాత

లక్ష్మీదేవి ఏ ఇంటిని విడిచిపెడుతుందో, ఏ ఇంట్లో స్థిరంగా ఉంటుందో మన పురాణాది వాంగ్మయం స్పష్టంగా పేర్కొంది. మంచి అలవాట్లు, సద్గుణాలు,సౌమనస్య వాతావరణం, శుచీ శుభ్రత, సదాచారం కలిగిన ఇంట అమ్మ ఎప్పుడూ ఉంటుంది. ఏ ఇంట దేవ, పితృకార్యాలు నిత్యం జరుగుతాయో ఆ ఇంట సిరి తాండవిస్తుంది.

తల్లినీ, తండ్రినీ, గురువునీ అవమానించే  చోట లక్ష్మి నిలవదు. ఏ ఇంట అతిథికి భోజనం పెట్టరో, ఆ చోట సిరి నిలవదు. అబద్ధాలాడేవారు, ఏదీ ఎవరకీ ఈయక ‘లేద’నే వారు, శీలంలేనివారు- ఉన్న ఇంట సిరి ఉండదు. పరద్రవ్యాన్ని ఆశించేవారిని, అపహరించేవారిని శ్రీ మాత విడిచి పెడుతుంది. అబద్ధపు సాక్ష్యం చెప్పేవారినీ, విశ్వాస ఘాతకుల్నీ, కృతఘ్నుల్నీ, ఉత్సాహంలేని వారినీ, భయపడేవారినీ ఆ తల్లి దరిచేరదు. కలహాలు జరిగేచోట, చెడుమాటలు పలికేచోట, జూదాలాడేచోట, స్త్రీని బాధించేచోట, మనోబలంలేని చోట… ఐశ్వర్యం క్రమంగా తొలగుతుంది. సంధ్యా సమయాల్లో నిద్రపోయే వారినీ, పగలు నిద్రించేవారినీ, దానం చేయనివారినీ విష్ణుపత్ని విడిచిపెడుతుంది.

శుచులు, ఇంద్రియ నిగ్రహం కలవారు, మనోవాక్కాయాల్లో పవిత్రత కలిగినవారు, ప్రియవాదులు, స్నేహశీలురు, శౌర్యవంతులు మొదలైన సత్వగుణ సంపన్నులను సిరి తల్లి వీడదు.

టపా మొత్తం చదవండి | Make a Comment ( 2 so far )

నిన్ను నీవు తెలుసుకో!

Posted on జూలై 17, 2009. Filed under: ఆధ్యాత్మికం | ట్యాగులు:, , , , , , , , , |

ఈనాడు లోకములో ‘నాకన్నీ తెలుసున’ని విఱ్ఱవీగే  వెఱ్ఱివ్యక్తులు ఎందరో ఉన్నారు. కాని, వారిలో ఒక్కరైనా ఆనందమునకు నోచుకోలేకపోతున్నారు. అన్నీ తెలిసిన వారైతే ఆనందమునకు ఎందుకు దూరము కావలెను? పరమానందయ్య  శిష్యులలో ఎన్నిసార్లు లెక్కించినా ఒక్కడు తక్కువగా ఉన్నాడనే కథను మనము వినే ఉంటాము. ఆ‌ఒకడు ఎవడంటే తనను తాను మరచినవాడే. మానవుడు తన నిజతత్త్వమును తాను గుర్తించక అన్నీ తెలుసుకొన్నవాడుగా తయారైతే ఫలితము లేదు. మొదట తనను తాను గుర్తించుకొనే ప్రయత్నము పూనుకోవలెను. దీనికే ఆధ్యాత్మిక మార్గమని పేరు. దేనిని మరచి పోవలెనో దానిని మరచినప్పుడే ఆనందము ప్రాప్తిస్తుంది. అంతవరకు ఈ ప్రకృతిలో ఎన్ని రకముల కర్తవ్య కర్మల నాచరించిననూ ఆనందము ప్రాప్తించదు. మనము మరచిపోవలసినదేమిటి? చేరవలసిననది దేనిని? ‘అసతో మా సద్గమయ’, ‘తమసో మా జ్యోతిర్గమయ’, ‘మృత్యోర్మా అమృతంగమయ’ అని ప్రాచీన ఋషులు ప్రార్థించినారు. ‘అసత్తు’ అయిన జగత్తును మరచిపోవలెను. ‘తమస్సు’ అయిన అహంభావమును వదలవలెను. బ్రహ్మతత్త్వమైన అమృతత్వమును చేరవలెను.

టపా మొత్తం చదవండి | Make a Comment ( 10 so far )

భగవంతుడు భావప్రియుడు

Posted on జూలై 13, 2009. Filed under: ఆధ్యాత్మికం | ట్యాగులు:, , , , , , , , , , , , , , |

కృష్ణుని దివ్య చరణములు

సత్యభామ ఒకనాడు బంగారు తట్టలో కొన్ని ఫలములు తెచ్చి కృష్ణుని ముందుంచి “ఇవి నా తోటలో పండిన పండ్లు. ఈ జాతి మరియెక్కడను లేదు” అని వాటిని గూర్చి గొప్పగా వర్ణించింది. కృష్ణుడొక తేలిక నవ్వు నవ్వి, ఒక పండును రుచి చూచి, ‘ఇవి సారహీనముల’ని చప్పరించి పడవేసెను. ఇంతలో ‘గుబ్బి’ యను ఒక గొల్లపిల్ల దోసిటిలో  కొన్ని పండ్లు తెచ్చి, “స్వామీ! ఇవి అల్లోనేరేడు పండ్లు; స్వామివలె శ్యామసుందరములు; అందువలన నాకు మిక్కిలి ప్రియములు. దయతో గైకొని అనుగ్రహింపవలెను” అనుచు పాదముల మ్రోల వ్రాలినది. కృష్ణుడు వాటి రుచిని అడుగడుగున మెచ్చుకొనుచు అన్నియు తినివేసెను. నిజానికి సత్యభామ ఇచ్చిన ఫలములే విలువ కలవి, రుచియును కలవి. అయిననేమి?! ఆమె అహంభావము, స్వాతిశయము మూలమున భగవానుని దృష్టిలో అవి రసహీనములైనవి. నేరేడు పండ్లు ఫలజాతిలో చెప్పుకోదగినవి కావు. కాకపోయిననేమి?! ఆ గోపిక స్వచ్ఛమైన ప్రేమ, అమాయకత్వము, అణకువ మూలమున అవి భగవంతునికి అత్యంత ప్రియంకరములైనవి.

టపా మొత్తం చదవండి | Make a Comment ( 7 so far )

ఆనందో బ్రహ్మ

Posted on జూన్ 8, 2009. Filed under: ఆధ్యాత్మికం | ట్యాగులు:, |

పుట్టపర్తి  సత్యసాయిబాబాను వేలాదిగా, లక్షలాదిగా జనం ఆయన చుట్టూ ఒక తన్మయీభావంతో తేలిపోతూ ఉంటారు. వారిని ఆయన చిరునవ్వుతోనూ, ‘బంగారూ ‘ అన్న  పలకరింపుతోనూ  పరామర్శిస్తూ ముందుకు సాగుతుంటారు. ఈ మొత్తం క్రమంలో ఎక్కడలేని నింపాదితనం, ప్రశాంతత, ఆనందం, ఆయన మొహంలో కనిపిస్తుంటుంది. ఆయన ఒకానొక పుట్టినరోజున లక్షాలాదిమంది భక్తులు ఒక్కసారి  ‘హాపీ బర్తడే బాబా’ అంటూ విషెస్ చెప్పారు. తెల్లరినప్పటి నుంచి ఇదే తంతు జరుగుతోందని ఆయన సభలో చెబుతూ “ఈ రోజు ప్రత్యేకించి ‘హాపీ’ ఏంటి? ఐ యాం ఆల్వేస్ హాపీ. నేనెప్పూడు సంతోషంగానే ఉంటాను. ప్రత్యేకించి ఫలానా రోజునో, ఫలానాది సాధించిన రోజునో సంతోషంగా ఉండటమన్నది నాకు తెలియని విషయయం” అన్నరు. అదే ఉపన్యాసంలో మనిషి ఏడుపుగొట్టుతనాన్ని కూడా ఆయన ప్రస్తావించడం జరిగింది. “అసలు మనమెందుకు పుట్టాం. ఏడుపుకోసం  పుట్టామా? పుట్టినప్పుడు ఏడుపులు. చచ్చినప్పుడు ఏడుపులు . బతుకుతూ ఏడుపులు. ఏడుపుల కోసం ఏడుపులు. చిత్తన్ని ఒక విషయం మీద ఏకాగ్రతతో నింపి చూడండి. మీకు ‘ఆనందోబ్రహ్మా ‘ అనుభవంలోకి వస్తుంది . ఎప్పుడూ సంతోషంగా ఉండటమన్నది అందరికీ సాధ్యమే. బాహ్యవిషయాలేవీ మనల్ని ప్రభావితం చెయ్యలేవు. బాహ్యవిషయాలపట్ల అతి స్పందనే మనల్ని విచారంలోకి, కోపంలోకి, బాధలోకి నెడుతుంటుంది. ప్రశాంతంగా ఉండండి. ప్రేమ భావనలకు మనసులో చోటివ్వండి. సాటిమనిషికి సేవచేయాలనే ధ్యేయన్ని కలిగివుండండి. ప్రపంచంలోని ఏ ఏ మూలల్నుంచోనాదగ్గరకు నస్తుంటారు. నేను అందరికీ చెప్పేదొకటే ఆనందం, ప్రశాంతత మనసులోనే ఉంటుంది . వాటిని వెదికి పట్టుకోండి. వ్యర్థప్రయాసలు పడకండి” అంటూ ఆ పుట్టినరోజు సత్యసాయి తనప్రసంగాన్ని కొనసాగించారు.

టపా మొత్తం చదవండి | Make a Comment ( 1 so far )

Liked it here?
Why not try sites on the blogroll...