పెద్దల మాట – సద్ది మూట

limit దాటితే.. liver దెబ్బతింటుంది..

Posted on మే 31, 2011. Filed under: నా అనుభవం - నేర్చుకొన్న పాఠం, పెద్దల మాట - సద్ది మూట | ట్యాగులు:, , , , , , , |

శ్రుతి మించడం ఎప్పటికి పనికి రాదని నేను చాలా బాగా గ్రహించాను. అతి సర్వత్రా వ్యర్జతే అని అన్నారు పెద్దలు. కొంత మంది చేసే కొన్ని చేష్టలు కాస్త రోజులకు అందరికి ఆమోదయోగ్యం కావచు. ఆ చేష్టలను అందరు ఆస్వాదించవచ్చు. కాని అవి శ్రుతి మించినప్పుడే ఇబ్బంది కలిగిస్తాయి.

మన చేష్టలు సాటి వారికి ఇబ్బందిగాను, నష్టాన్ని కలిగించే విధముగా వుండరాదు. శ్రుతి మించి ప్రవర్తించడం వలన, సాధు జీవులు కూడా బలంగా ఎదురుతిరగడం నేను గమనించాను. కళాశాలలో నాతో విద్య అభ్యసించిన విద్యార్థి ఒకతను, తన ముక్కు మీద వున్న వాత గురించి నాకు చెప్పాడు. అతను తన చిన్నప్పుడు, ఒక కుక్కను చాకే వాడు. ఆ కుక్క ఎంత మంచిదంటే,  అస్సలు మొరగదు, కాస్త కుడా కరవదు. ఒకానొక రోజు ఆ కుక్కను ఒక గదిలో తీసుకెళ్ళి, దాన్ని రెండు కాళ్ళను పట్టుకొని గిరుమ్మని బొంగరం వలె తిరిగాడు. అలా చేసాక, దాన్ని తన చెంతకు తీసుకొని మొహంలో మొహం పెట్టి ముద్దాడపోయాడు. అప్పుడు ఆ అమాయకపు కుక్క ఇతని ముక్కును గట్టిగా కరచి పారిపోయింది. ఇతను శ్రుతి మించడం వలన కుక్కా పోయె, మొహంలో గాటు మిగిలే.

ఆ అబ్బాయి కుక్కను పోగొట్టుకున్నాడు. కాని మన రోజువారి జీవితాలలో  కొందరు శ్రుతి మీరడం మరియు అతి చేయడం ద్వారా కొన్ని బంధాలను, బంధుత్వాలను పోగొట్టుకుంటున్నారు. కొందరికి అవి అర్థమవటము లేదు. అర్థమైన అవి ఎలా ఆపు చేయాలో వారికి తెలియటము లేదు.

మన చేష్టలు శ్రుతి మీరాయి అని ఎలా కనుగొనడం? శ్రుతి మించిన క్షణాన్ని గ్రహించడం పెద్ద కష్టమేమి కాదు. మన అంతర్వాణి మనలను హెచ్చరిస్తుంది. ఎదుటి వారి హావ భావలు కూడా వాటిని తెలుపుతాయి. తప్పు చేయడం సహజం. కాని ఆ తప్పును అంగీకరించిన వాడు మనిషి. ఆ తప్పును సరిదిద్దుకొనే వాడు మహర్షి. శ్రుతి మీరుతున్నాము లేక శ్రుతి మీరాము అని గ్రహించిన వెంటనే, అ చర్యను/చేష్టను అంతటితో ఆపు చేయడం ఉత్తమం, అందరికీ శ్రేయస్కరం.

టపా మొత్తం చదవండి | Make a Comment ( None so far )

స్వదేశీ

Posted on జూలై 10, 2009. Filed under: పెద్దల మాట - సద్ది మూట | ట్యాగులు:, , , |

రవీంద్రనాథ్ ఠాగూర్

స్వదేశీ అంటే ఏమిటి? భారతదేశ తొలి నోబెల్ పురస్కార గ్రహీత, గీతాంజలి కావ్య రచయిత, శాంతినికేతన్ విద్యాసంస్థల నిర్మాత, స్వాతంత్ర్య సమరయోధుడు శ్రీ రవీంద్రనాథ్ ఠాగూర్ స్వదేశీ అనే భావానికి సరైన నిర్వచనం తెలిపారు.

“వందేమాతరం యొక్క మరో రూపమే స్వదేశీ. కొన్ని స్వదేశీ వస్తువులను కొనటం, కొన్ని విదేశీ వస్తువులను బహిష్కరించడం వరకూ మాత్రమే స్వదేశీ పరిమితం కాదు. స్వతంత్ర భారతదేశ ఆత్మతో సంబంధమున్న శబ్దమే స్వదేశీ. స్వాభిమానం, స్వావలంభన, సార్వభౌమత్వం కలిగిన భారతదేశానికి గుర్తు స్వదేశీ.”

టపా మొత్తం చదవండి | Make a Comment ( 2 వ్యాఖ్యలు )

వినదగునెవ్వరు చెప్పిన……

Posted on జూలై 3, 2009. Filed under: పెద్దల మాట - సద్ది మూట | ట్యాగులు:, , , , , , , , , , , |

వినదగునెవ్వరు చెప్పిన వినాలి. ఈ అలవాటును నేను మా స్వర్గీయ తాతగారి నుంచి అలవరచుకున్నాను. ఈ‌ లక్షణం ఎంత ఉత్తమమైనదో, మీకు ఓ రెండు ఉదాహరణలతో వివరిస్తాను.

రామ రావణులు

అది శ్రీరామచంద్రునికి, రావణాసురునికి మధ్య భీకరమైన యుద్ధం జరుగుతున్నవేళ. రావణుని రావణబ్రహ్మ అని కూడా అంటారు. అతను సకల విద్యాపారంగతుడు. కానీ పర స్త్రీ వ్యామోహం అనే దుర్గుణం, అతనితో పాటు అతని బంధుగణం, సమస్థ రాజ్యం యొక్క వినాశనానికి దారితీసింది. ఆ మహా సంగ్రామంలో‌  రావణుడు, శ్రీ రాముని ధాటికి మెల్లమెల్లగా కుప్పకూల సాగాడు. అప్పుడు రాముడు, ఇప్పుడు కాకపోతే అతడు మరిణించాక తెలుసుకునే అవకాశం రాదు. అందుకే అది సమయం కానప్పటికీ, అదే అదనుగా భావించి లక్ష్మణుణ్ని పిలిచి ‘రావణాసురుని దగ్గరకెళ్లి రాజనీతి తెలుసుకునిరా!’ అని పంపించాడు. అన్నగారి ఆజ్ఞ ప్రకారం లక్ష్మణుడు వెళ్లి అడిగాడు. దానికి రావణుడు ‘అది నీకు చెప్పవలసినది కాదు. ఎందుకంటే కాబోయే రాజు మీ అన్నయ్య. కాబట్టి అతడినే  రమ్మను, చెబుతాను’ అని సమాధానం ఇచ్చాడు.

రావణుని రాజనీతిజ్ఞతకు ఇదొక నిదర్శనంగా భావించిన రాముడు తానే‌ స్వయంగా వెళ్లాడు. అంత యుద్ధంలోనూ తన అతిథిగా వచ్చిన రామునితో‌ అంతవరకు ఉన్న శత్రుత్వాన్ని ఆ క్షణానికి మరచాడు రావణుడు. తన పక్కనే కూర్చుండబెట్టుకుని అతడికి రాజనీతి సారమంతటినీ బోధించి సాదరంగా సాగనంపాడు.

విషాల్లో అమృతాన్ని గ్రహించాలి. బాలుడైనప్పటికీ‌ మంచిమాట చెపితే ఆలకించాలి అని పెద్దలన్నారు. శత్రువులనుంచి అయినా మంచి విషయాలు నేర్చుకోవాలి. మలిన పదార్థాల నుంచి నలుసంత బంగారమైనా గ్రహించాలన్నది వారి ప్రబోధం.

అబ్రహం లింకన్ఒక బాలిక ఇచ్చిన సలహాను మంచిమాటగా ఎంచి, పాటించి ఒక సామాన్యుడు అద్భుత ఫలితాన్ని సాధించాడు.

ఆ బాలిక పేరు గ్రేస్ బాడిల్. వయసు పదకొండు సంవత్సరాలు. ఆమె‌ ఇచ్చిన సలహా- ‘మీ మీద చాలా మంది ప్రజలకు అభిమానం ఉంది. కానీ అది మీరు గెలవడానికి చాలకపోవచ్చు. మీకు ఎన్నికల్లో గెలుపు సునాయాసం కావాలంటే మీరు గడ్డం, మీసం పెంచాలి. అలా అయితే‌ మీముఖం బాగుంటుంది. అప్పుడు చూడడానికి చాలా బాగుంటారు. అందువలన స్త్రీలందరూ వారి ఓట్లు మీకే వేసి గెలిపిస్తారు. ఎందుకంటే గడ్డం, మీసం ఉన్న మగాళ్లలు స్త్రీలు ఎక్కువ ఇష్టపడతారు. అలాగైతే మీరే ప్రెసిడెంట్ అవుతారు’.

లేఖ ద్వారా అందిన ఆ సలహా చదివిన వ్యక్తి దాన్ని చిన్న విషయంగానో, ఆ చిన్నపిల్ల మాటల్ని బాల్యచేష్టలుగానో భావించలేదు. మంచిమాట ఎవరు చెప్పినా పాటించాలనిపించి పాటించాడు. అలా చేయడం వలన అతడు అమెరికా దేశానికి అధ్యక్షుడయ్యాడు. అతడే అబ్రహం లింకన్.

టపా మొత్తం చదవండి | Make a Comment ( 2 వ్యాఖ్యలు )

ఆకులో భోజనం ఎందుకుచేయాలి?

Posted on జూన్ 13, 2009. Filed under: ఆరోగ్యం, పెద్దల మాట - సద్ది మూట | ట్యాగులు:, , |

అరటిఆకులో భోజనంభోజనానికి ఉగయోగించే పాత్రలు అనేకం. బంగారం, వెండి, కంచు, స్టీలు, అల్యూమినియం, గాజు, పింగాణిలతో తయారుచేసిన పాత్రలను ఉపయోగిస్తారు. అలాగే కొందరు అరటి, మోదుగ, మఱ్ఱి , బాదం ఆకులతో కుట్టిన విస్తర్లలో భోజనం చేస్తారు.

పూర్వం రాజులు, జమిందార్లు బంగారు పళ్ళాలను ఉపయోగించేవారు. కొంతమంది వెండికంచాల్లో తినేవారు. మిగిలినవారు భోజనానికి ప్రతిరోజూ అరిటాకు లేక మోదుగ విస్తర్లను ఉపయోగించేవారు. శుభకార్యాలు, వివాహం , ఉపనయనం తదితర సంధర్భాలలో అరిటాకులో భోజనం పెట్టేవారు. కారక్రమేణా స్టీలు, గాజు, పింగాణి పళ్ళాలు వాడుకలోకి వచ్చయి. ఎన్ని రకాల పళ్ళాలు వచ్చినా అన్నిట్లోకి అరిటాకులో భోజనం చేయడం మిక్కిలి శ్రేష్టం. పచ్చటి అరిటాకులో వేడివేడి పదార్థాలను వేసుకొని తినడంవల్ల కఫవాతాలు(cold) తగ్గిపోతాయి. బలం చేకూరుతుంది.ఆరోగ్యం చక్కబడుతుంది. శరీరానికి కాంతి వస్తుంది. ఆకలి పుడుతుంది. మోదుగ, మఱ్ఱి, రావి ఆకులను ఎండబెట్టి విస్తర్లను తయారుచేస్తారు. కానీ అరిటాకును పచ్చిగా ఉన్నపుడే ఉపయోగిస్తారు. పచ్చి ఆకులో పెట్టు కొని ఆహారం తింటే తొందరగా జీర్ణమవుతుంది. అరిటాకులు దొరికితే దాంట్లోనే అన్నం తిన్నడం శ్రేయస్కరం. పూర్వం భోజనానికి విస్తర్లు, నీళ్ళు తాగడానికి ఆకు దోనెలను ఉపయోగిస్తారు. అలాగే మోదుగ ఆకులతో‌కుట్టిన విస్తరిలో‌అన్నంతింటే జ్ఞాపకశక్తి పెరుగుతుందంటున్నారు. మనస్సుకు ప్రశాంతత లభిస్తుంది. మర్రిచెట్టు విష్ణువు స్వరూపం. మర్రి ఆకులో అన్నంతింటే క్రిమిరోగ నివారణి, కళ్ళకు సంబంధించిన దోషాలు తొలిగిపోయి ఆరోగ్యం బాగుపడుతుంది. ముఖ్యంగా అరటి, మోదుగ, మర్రి ఆకు విస్తర్లలో భోజనం చేస్తే ప్రేగులలోని క్రిములు నాశనమవుతాయని ఆయుర్వేదంలో  చెప్పారు. కాలక్రమేణా ఈ అలవాట్లు మారిపోయాయి. చాలామందికి విస్తరిలో భోజనం చేయడం అపురూపమైంది. కాంక్రీట్ జంగిల్ గా పేరొందిన నగరాలలో కూడా పండుగలు, పర్వదినాలలో మార్కెట్లో అరటిఆకులు అమ్ముతున్నారు. వాటిని కొన్నుకొని ఆ రోజు వాటిలో భోజనం  చేసేవారు ఉన్నారు. ఇప్పటికీ కొన్నిప్రాంతల్లోని హోటళ్ళలో  ఆకులోనే భోజనం పెడుతున్నారు. దీన్నిబట్టి ఆకుల్లో భోజనం చేయడానికి ఎంతటి ప్రాముఖ్యత ఉందో అర్థం చేసుకోవచ్చు.

టపా మొత్తం చదవండి | Make a Comment ( 15 వ్యాఖ్యలు )

Liked it here?
Why not try sites on the blogroll...